സുരക്ഷ പ്രശ്നങ്ങള് ചൂണ്ടിക്കാട്ടി 59 ചൈനീസ് കമ്പനികള്ക്ക് വിലക്ക് ഏര്പ്പെടുത്തി അമേരിക്കന് പ്രസിഡന്റ് ജോ ബൈഡന്. ചൈനീസ് സര്ക്കാരുമായി അടുത്ത് പ്രവര്ത്തിക്കുന്ന കമ്പനികള്ക്കാണ് വിലക്കേര്പ്പെടുത്തിയത്.
ആഗസ്റ്റ് 2 മുതല് നിരോധനം നിലവില് വരുമെന്നും ബൈഡന് അറിയിച്ചു. രാജ്യത്തെ സംബന്ധിച്ച വിവരങ്ങളുടെ ചോര്ത്തല്, ചാരവൃത്തി എന്നിവ തടയാനാണ് നിരോധനം ഏര്പ്പെടുത്തിയതെന്നും ബൈഡന്റെ പ്രസ്താവനയില് പറയുന്നു.അതേസമയം അമേരിക്കയുടെ ഈ തീരുമാനത്തോട് ചൈന ഇതുവരെ പ്രതികരിച്ചിട്ടില്ല.സുരക്ഷയ്ക്ക് വെല്ലുവിളിയുയര്ത്തുന്ന 31 ചൈനീസ് ആപ്പുകള്ക്ക് നിരോധനമേര്പ്പെടുത്താനായിരുന്നു ആദ്യം തീരുമാനിച്ചിരുന്നത്. എന്നാല് ഈ മേഖലയില് സമാനമായി പ്രവര്ത്തിക്കുന്ന 59 ആപ്പുകള് നിരോധിക്കണമെന്ന് ബൈഡന് അറിയിക്കുകയായിരുന്നു.