എകെജി സെന്ററിന് നേരെയുണ്ടായ ആക്രമണത്തില് അടിയന്തര പ്രമേയം ചര്ച്ച ചെയ്യാമെന്ന് സര്ക്കാര്. സഭ നിര്ത്തിവച്ച് ചര്ച്ച ചെയ്യാന് തയ്യാറാണെന്ന് മുഖ്യമന്ത്രിഅറിയിച്ചു. ഉച്ചക്ക് 1 മണി മുതല് 2 മണിക്കൂറാണ് ചര്ച്ച. ഇരു പക്ഷത്തു നിന്നും മുന്കൂട്ടി നിശ്ചയിച്ച അംഗങ്ങള് ചര്ച്ചയില് പങ്കെടുത്ത് സംസാരിക്കും.ലക്ഷക്കണക്കിന് പേര്ക്ക് വേദന ഉണ്ടാക്കിയ സംഭവമാണ് എകെജി സെന്ററിന് നേര്ക്കുണ്ടായ ആക്രമണമെന്ന് മുഖ്യമന്ത്രി പറഞ്ഞു. ജനങ്ങള്ക്ക് ഭീതിയോടെ മാത്രമേ എകെജി സെന്റര് ആക്രമണം നോക്കിക്കാണാന് കഴിയൂവെന്നും മുഖ്യമന്ത്രി അഭിപ്രായപ്പെട്ടു. സംഭവം നടന്ന് നാലു ദിവസം പിന്നിടുമ്പോഴും പ്രതിയെ കണ്ടെത്താനാകാത്തതില് സര്ക്കാരിനെ പ്രതിരോധത്തിലാക്കാനാണ് സാധ്യത. ആക്രമണത്തിനു പന്നില് കോണ്ഗ്രസെന്ന ഇടതു മുന്നണികണ്വീനറുടെ പരമാര്ശം മുന്വിധിയോടെയെന്ന് പ്രതിപക്ഷവും സമര്ത്ഥിക്കും. അതേ സമയം രാഹുല്ഗാന്ധിയുടെ വയനാട് ഓഫീസിലെ ഗാന്ധി ചിത്രം തകര്ത്തത് എസ് എഫ് ഐക്കാരല്ലെന്ന പോലീസ് റിപ്പോര്ട്ട് ഉയര്ത്തി സര്ക്കാര് പ്രതിരോധം തീര്ക്കും
