കോഴിക്കോട്: കോഴിക്കോട് സൗത്ത് ബീച്ചിലെ കടല്ഭിത്തിയിലെ കല്ലിനിടയില് തല കുടുങ്ങിയനിലയിൽ യുവാവിന്റെ മൃതദേഹം കണ്ടെത്തി. കോഴിക്കോട് മുഖദാര് സ്വദേശി ആസിഫിനെ ആണ് മരിച്ച നിലയിൽ കണ്ടെത്തിയത്. മരിച്ച ആസിഫ് ഓട്ടോറിക്ഷ ഡ്രൈവറാണ്.
വ്യാഴാഴ്ച രാവിലെ ബീച്ചിലെത്തിയവരാണ് കടല്ഭിത്തിയില് മൃതദേഹം കണ്ടത്. തുടര്ന്ന് പോലീസിനെ വിവരമറിയിക്കുകയായിരുന്നു. ആസിഫിനെ ബുധനാഴ്ച വൈകീട്ട് ബീച്ചില് കണ്ടിരുന്നതായി പരിസരവാസികള് പറഞ്ഞു. ഓട്ടോയും സമീപത്തായി ഉണ്ടായിരുന്നതായും നാട്ടുകാര് പറഞ്ഞു.
മൃതദേഹം പുറത്തെടുത്ത് ഇന്ക്വസ്റ്റ് പൂര്ത്തിയാക്കിയശേഷം പോസ്റ്റ്മോര്ട്ടത്തിനായി മെഡിക്കല് കോളേജ് ആശുപത്രിയിലേക്ക് മാറ്റും. സംഭവത്തില് പോലീസ് അസ്വാഭാവികമരണത്തിന് കേസെടുത്ത് അന്വേഷണം ആരംഭിച്ചു.
