മുസ്ലിം ലീഗ് മന്ത്രിമാരുടെ പഴ്സണല് സ്റ്റാഫിനെ ചൊല്ലി പാര്ട്ടിയില് തര്ക്കമൊഴിയുന്നില്ല. സ്റ്റാഫ് നിയമനങ്ങളില് മന്ത്രിമാര് തന്നിഷ്ടം കാണിക്കുന്നെന്ന വിമര്ശനവുമായി MSF മലപ്പുറം ജില്ലാ കമ്മിറ്റി പ്രമേയം അവതരിപ്പിച്ചു. പാര്ട്ടിയുടെ അച്ചടക്കത്തെ വെല്ലുവിളിച്ച് മന്ത്രിമാര് നടത്തിയ നിയമനത്തില് ലീഗ് നേതൃത്വം ഇടപെടണമെന്നാണ് ആവശ്യം. അപേക്ഷ നല്കുന്ന എല്ലാവരെയും സ്റ്റാഫില് ഉള്പ്പെടുത്താന് കഴിയില്ലെന്നായിരുന്നു ലീഗ് മലപ്പുറം ജില്ലാ ജനറല് സെക്രട്ടറി അബ്ദുല് ഹമീദ് കഴിഞ്ഞദിവസം പ്രതികരിച്ചത്.
പേര്സണല് സ്റ്റാഫ് നിയമങ്ങളില് മന്ത്രിമാര് തന്നിഷ്ടം കാണിക്കുന്നുവെന്നും ഭരണം ലഭിച്ചപ്പോള് MSF അവഗണിക്കപെട്ടെന്ന് പ്രമേയത്തില് കുറ്റപ്പെടുത്തുന്നു. മന്ത്രിമാരുടെ സ്വയം ഭരണ പ്രവണതകള്ക്കെതിരെ അമര്ഷം രേഖപെടുത്തുന്നു. പേഴ്സണല് സ്റ്റാഫ് നിയമനങ്ങളെ സുതാര്യമാക്കാന് പാര്ടി ചുമതലപ്പെടുത്തിയ ഉപസമിതിയേ നോക്കു കുത്തിയാക്കി.മന്ത്രിമാര് തന്നിഷ്ട പ്രകാരം സ്വന്തം ആളുകളെ തിരുകി കയറ്റിയെന്ന് വിമര്ശനം.
