ഒരു സര്ക്കാര് ഉത്പന്നം സിനിമയുടെ തിരക്കഥാകൃത്ത് നിസാം റാവുത്തര് (49) അന്തരിച്ചു. പത്തനംതിട്ട കടമ്മനിട്ട സാമൂഹ്യ ആരോഗ്യ കേന്ദ്രത്തിലെ ഹെല്ത്ത് ഇന്സ്പെക്ടര് ആയിരുന്നു. ഹൃദയാഘാതം മൂലമാണ് മരണം സംഭവിച്ചത്. സിനിമ ഈ മാസം എട്ടിന് തീയറ്ററുകളിലെത്താനിരിക്കെയാണ് അപ്രതീക്ഷിത വിയോഗം. സക്കറിയയുടെ ഗര്ഭിണികള്, ബോംബെ മിഠായി എന്ന സിനിമകള്ക്കും നിസാം തിരക്കഥയൊരുക്കിയിട്ടുണ്ട്.
ഒരു ഭാരത സര്ക്കാര് ഉത്പന്നം എന്ന പേരില് ഒരുങ്ങിയ സിനിമയുടെ പേരില് നിന്ന് ഭാരത എന്ന വാക്ക് മാറ്റണമെന്ന് സെന്സര് ബോര്ഡ് ആവശ്യപ്പെട്ടിരുന്നു. പേര് മാറ്റാതെ സെന്സര് സര്ട്ടിഫിക്കറ്റ് നല്കില്ലെന്ന് സെന്സര് ബോര്ഡ് അണിയറ പ്രവര്ത്തകരെ അറിയിക്കുകയായിരുന്നു. തുടര്ന്ന് ഭാരത എന്ന വാക്കിനു മുകളില് കറുത്ത കടലാസ് ഒട്ടിച്ച് അണിയറ പ്രവര്ത്തകര് പ്രതിഷേധിച്ചിരുന്നു.
