ന്യൂനപക്ഷ കമ്മീഷൻ സിറ്റിംഗ് നടത്തി.സംസ്ഥാന ന്യൂനപക്ഷ കമ്മീഷൻ കലക്ടറേറ്റ് കോൺഫറൻസ് ഹാളിൽ നടത്തിയ കോഴിക്കോട് ജില്ലാതല സിറ്റിംഗിൽ ഒരു പരാതി തീർപ്പാക്കി. ന്യൂനപക്ഷ കമ്മീഷൻ മെമ്പർ എ സൈഫുദ്ദീൻ സിറ്റിംഗിൽ പങ്കെടുത്ത് പരാതികൾ പരിഗണിച്ചു. 4 പരാതി പരിഗണിക്കുകയും പുതുതായി 2 പരാതികൾ സ്വീകരിക്കുകയും ചെയ്തു.തലമുറകളായി കൈവശം വെച്ചനുഭവിക്കുന്ന ഭൂമിക്ക് കരമടയ്ക്കാൻ സാധിക്കുന്നില്ല എന്ന് വടകര സ്വദേശി നൽകിയ പരാതിയിൽ മറ്റാർക്കും വസ്തുവിൽ അവകാശം ഉന്നയിക്കാത്തതിനാലും പൂർണമായി ഈ വസ്തുവിന്റെ അവകാശികൾ ഇവർ തന്നെയെന്ന് ഉദ്യേഗസ്ഥൻ സമ്മതിച്ചതിനാലും എത്രയും വേഗം കൈവശ ഭൂമിക്ക് കരം തീർത്ത് രേഖകൾ നൽകണമെന്ന് കമ്മീഷൻ കലക്ടർക്ക് നിർദ്ദേശം നൽകി.
