സ്കൂളുകളില് കുട്ടികള് മൊബൈല്ഫോണ് കൊണ്ടുവന്നാല് സ്കൂള്സമയം കഴിയുംവരെ സ്വിച്ച് ഓഫ് ആക്കി സൂക്ഷിക്കാന് സൗകര്യം ഒരുക്കണമെന്ന് ബാലാവകാശ കമ്മിഷന്. കുട്ടികളുടെ അന്തസ്സിനും ആത്മാഭിമാനത്തിനും ക്ഷതമുണ്ടാകും വിധത്തിലുളള ദേഹപരിശോധന ബാഗ് പരിശോധന മുതലായവ കർശനമായി ഒഴിവാക്കേണ്ടതാണെന്നും കമ്മീഷൻ നിരീക്ഷിച്ചു.കുട്ടികള് സ്കൂളുകളില് മൊബൈല്ഫോണ് ഉപയോഗിക്കേണ്ടതില്ലെന്നാണ് കമ്മിഷന്റെ നിലപാട്. എന്നാല് ഫോൺ കൊണ്ടുവരുന്നുണ്ടോ എന്നറിയാനുള്ള ദേഹപരിശോധനയും ബാഗ് പരിശോധനയും പ്രാകൃതമാണെന്ന് സംസ്ഥാന ബാലാവകാശ കമ്മീഷൻ പറഞ്ഞു,ഫിഡൽ എസ്. ഷാജി വടകര പുതുപ്പണം ജെ.എൻ.എം.ജി. എച്ച്.എസ്. സ്കൂളിലെ പ്ലസ് വൺ വിദ്യാർത്ഥി ഫിഡൽ എസ്. ഷാജിയുടെ അച്ഛന്റെ പരാതിയിലാണ് ബാലാവകാശ കമ്മീഷന്റെ ഇടപെടൽ.ഷാജിയുടെ മകന് രക്ഷിതാക്കളുടെ അറിവോടെ സ്കൂളില് കൊണ്ടുപോയ മൊബൈല്ഫോണ് സ്കൂള് അധികൃതര് പിടിച്ചെടുത്തിരുന്നു. ചികിത്സാ വിവരങ്ങള് അടക്കമുണ്ടായിരുന്ന ഫോണ് വിട്ടുകിട്ടുന്നതിനായാണ് കമ്മിഷനെ സമീപിച്ചത്.
