കോഴിക്കോട്: കോടഞ്ചേരിയില്‍ കാണാതായ വയോധികയുടെ മ്യതദേഹം കണ്ടെത്തി. വലിയകൊല്ലി മംഗലം വീട്ടില്‍ ജാനകിയെയാണ് മരിച്ച നിലയില്‍ കണ്ടെത്തിയത്. ഒരാഴ്ച്ച മുമ്പാണ് ജാനകിയെ കാണാതായത്.
ഈ മാസം ഒന്നാം തിയതിയാണ് ജാനകിയെ കാണാതായത്. പൊലീസും ഡോഗ് സ്‌ക്വാഡും നാട്ടുകാരും സന്നദ്ധ സംഘടന പ്രവര്‍ത്തകരും നടത്തിയ തിരച്ചിലിലാണ് അഴുകിയ നിലയില്‍ മൃതദേഹം കണ്ടെത്തിയത്.
ഇന്നലെ പള്ളിക്കുന്നേല്‍ മലയില്‍ നിന്ന് വയോധികയുടെ വസ്ത്രങ്ങള്‍ കണ്ടെത്തിയിരുന്നു. വസ്ത്രം കണ്ടെത്തിയതിന് താഴെയാണ് മൃതദേഹം കണ്ടെത്തിയത്.
