13-ാമത് ബ്രിക്സ് ഉച്ചകോടിയില് പ്രധാനമന്ത്രി നരേന്ദ്ര മോദി അധ്യക്ഷത വഹിക്കും. വ്യാഴാഴ്ച ഓണ്ലൈനായിട്ടായിരിക്കും ഉച്ചകോടി.
അഫ്ഗാനിസ്താനിലെ നിലവിലെ പ്രതിസന്ധി ഉച്ചകോടിയിലെ മുഖ്യ ചര്ച്ചാ വിഷയമാകുമെന്നാണ് വിലയിരുത്തൽ .
റഷ്യന് പ്രസിഡന്റ് വ്ളാഡ്മിര് പുടിന്, ബ്രസീല് പ്രസിഡന്റ് ജയിര് ബൊല്സനാരോ , ചൈനീസ് പ്രസിഡന്റ് ഷി ജിന്പിങ്, ദക്ഷിണാഫ്രിക്കന് പ്രസിഡന്റ് സിറില് റാമഫോസ, എന്നിവര് ഉച്ചകോടിയില് പങ്കെടുക്കും. കേന്ദ്ര വിദേശകാര്യ മന്ത്രാലയമാണ് ഇക്കാര്യം അറിയിച്ചത്.
ബ്രസീല്-റഷ്യ-ഇന്ത്യ-ചൈന-ദക്ഷിണാഫ്രിക്ക എന്നീ അഞ്ച് വികസ്വര രാജ്യങ്ങളുടെ കൂട്ടായ്മയാണ് ബ്രിക്സ്. അതെ സമയം പ്രധാനമന്ത്രി നരേന്ദ്ര മോദി ഇത് രണ്ടാം തവണയാണ് ബ്രിക്സ് ഉച്ചകോടിയുടെ അധ്യക്ഷ പദവി അലങ്കരിക്കുന്നത്. 2016 ഗോവയില് നടന്ന ഉച്ചകോടിയിലാണ് അദ്ദേഹം ആദ്യമായി അധ്യക്ഷത വഹിച്ചത്
