തിരുവനന്തപുരം കോർപ്പറേഷനിലെ കത്ത് വിവാദത്തിൽ എസ്എടി ആശുപത്രിയിലെ താൽക്കാലിക നിയമനത്തിന് കത്ത് തയാറാക്കിയത് താന് തന്നെ എന്ന് ഡി.ആർ അനിൽ.എസ് എ ടി വിഷയത്തിൽ താൻ എഴുതിയ കത്താണ് പുറത്തുവന്നതെന്നും എന്നാൽ കത്ത് സിപിഐഎം ജില്ലാ സെക്രട്ടറിക്ക് നൽകിയിട്ടില്ലെന്നും അദ്ദേഹം പറഞ്ഞു.മേയറുടെ കത്തുമായി തനിക്ക് യാതൊരു ബന്ധവുമില്ലെന്നും ഡി ആർ അനിൽ മാധ്യമങ്ങളോട് പറഞ്ഞു.എസ് എ റ്റി ആശുപത്രിയിലെ കൂട്ടിരുപ്പുകാര്ക്കായി നിര്മ്മിച്ചിരിക്കുന്ന വിശ്രമകേന്ദ്രം തുറക്കുന്നില്ലെന്നും തിരുവനന്തപുരം നഗരസഭ വന് അലംഭാവം കാണിക്കുന്നുവെന്നും എന്ന തരത്തില് പത്ര വാര്ത്ത വന്നതിന്റെ അടിസ്ഥാനത്തില് കുടുംബശ്രീ പ്രവര്ത്തകരെ നിയമിക്കുന്നതിനായി രാഷ്ട്രീയ സമ്മര്ദ്ദം ചെലുത്തണമെന്ന് കാട്ടി പാര്ലമെന്ററി സെക്രട്ടറി എന്ന നിലയില് ജില്ലാ സെക്രട്ടറിയോട് ആവശ്യപ്പെടാന് കത്ത് തയ്യാറാക്കിയിരുന്നു. എന്നാല്, കുടുംബശ്രീയുടെ ജില്ലാ മിഷനുമായി ബന്ധപ്പെട്ട് വിശ്രമകേന്ദ്രത്തിന്റെ പ്രവര്ത്തനം തുടങ്ങാനുള്ള പ്രവര്ത്തനങ്ങള് ചെയ്തതിനാല് ആ കത്ത് ജില്ലാ സെക്രട്ടറിക്ക് കൈമാറിയില്ലെന്നുമാണ് ഡി ആര് അനില് പറഞ്ഞത്.
