ബെംഗളൂരു: കാമുകിയുടെ നഗ്നദൃശ്യങ്ങള് പകര്ത്തി ബ്ലാക്ക്മെയില് ചെയ്ത് യുവാവ് തട്ടിയെടുത്തത് രണ്ടരക്കോടി രൂപയും ആഡംബരക്കാറും. ഒടുവില് പെണ്കുട്ടിയുടെ പരാതിയില് യുവാവിനെ ബെംഗളൂരു പൊലീസ് അറസ്റ്റ് ചെയ്തു.
ഇരുപത് വയസുള്ള യുവതിയാണ് വഞ്ചനയ്ക്ക് ഇരയായത്. പ്രതിയായ മോഹന് കുമാര് എന്നയാളും യുവതിയും ബോര്ഡിങ് സ്കൂള് കാലഘട്ടം മുതല്ക്കേ അറിയാവുന്നവരാണ്. എന്നാല് പിന്നീട് വെവ്വേറെ സ്ഥലങ്ങളിലായി. ഒരുപാട് കാലത്തിന് ശേഷം ഇരുവരും വീണ്ടും കണ്ടതോടെ വീണ്ടും പരിചയം പുതുക്കുകയും, അത് പ്രണയത്തിലേക്ക് വഴിമാറുകയുമായിരുന്നു.
യുവതിയെ വിവാഹം കഴിക്കാമെന്ന് മോഹന് കുമാര് ഉറപ്പ് നല്കിയിരുന്നു. ഈ ഉറപ്പ് വിശ്വസിച്ച് യുവതി ഇയാള്ക്കൊപ്പം നിരവധി സ്ഥലങ്ങളിലേക്ക് യാത്ര പോകുകയും പതിവായിരുന്നു. അത്തരത്തിലൊരു യാത്രയ്ക്കിടെയാണ് മോഹന് കുമാര് യുവതിയുടെ നഗ്നദൃശ്യങ്ങള് പകര്ത്തിയത്. ശേഷം ഭീഷണിപ്പെടുത്താന് തുടങ്ങി.
ഭീഷണിയും അപമാനവും സഹിക്കാന് വയ്യാതെയായതോടെ യുവതി ആദ്യം തന്റെ മുത്തശ്ശിയുടെ അക്കൗണ്ടില് നിന്ന് 1.25 കോടി രൂപ നല്കി. എന്നാല് വീണ്ടും മോഹന് കുമാര് ഭീഷണി തുടരുകയായിരുന്നു. ഇതോടെ വീണ്ടും 1.32 കോടി രൂപ നല്കി. തുടര്ന്ന് ഇയാള് വിലകൂടിയ വാച്ചുകളും, സ്വര്ണവും, ആഡംബര കാറുമെല്ലാം ആവശ്യപ്പെട്ടു. ഒടുവില് സഹിക്കാന് വയ്യാതെയായതോടെ യുവതി പരാതിപ്പെടുകയായിരുന്നു. കുമാറിന് ലഭിച്ച രണ്ടരകോടിയില്നിന്ന് 80 ലക്ഷം നിലവില് കണ്ടെത്തിയിട്ടുണ്ട്.
