ത്രിപുര നിയമസഭാ തിരഞ്ഞെടുപ്പില് സിപിഎം-കോണ്ഗ്രസ് സഹകരണത്തിന് ധാരണ. തീരുമാനം അടുത്ത പിബിയിലുണ്ടാകും. സിപിഎം സംസ്ഥാന സമിതിയി യോഗത്തില് പ്രകാശ് കാരാട്ടും സീതാറാം യെച്ചൂരിയും പങ്കെടുക്കുന്നുണ്ട്. യെച്ചൂരി കോണ്ഗ്രസ് നേതൃത്വവുമായി ചര്ച്ച നടത്തിയതായി സൂചനയുണ്ട്.സഹകരണത്തിനപ്പുറം സഖ്യമായി മത്സരിക്കണമോ എന്നത് സംബന്ധിച്ച് സംസ്ഥാന സമിതി യോഗം തീരുമാനിക്കുമെന്ന് സിപിഎം വൃത്തങ്ങള് അറിയിച്ചു. ഏതൊക്കെ സീറ്റുകളിലാണ് കോണ്ഗ്രസും സിപിഎം ഉള്പ്പടെയുള്ള ഇടത് പാര്ട്ടികളും മത്സരിക്കേണ്ടത് എന്ന് തീരുമാനിക്കാന് സമിതിക്ക് രൂപം നല്കും.
കോണ്ഗ്രസിന്റെയും ഇടത് പാര്ട്ടികളുടെയുടെയും ത്രിപുരയിലെ പ്രമുഖ നേതാക്കള് ഉള്പെടുന്നതാകും സമിതി. ബിജെപി വിരുദ്ധ വോട്ടുകള് ഭിന്നിക്കാതിരിക്കാന് ആണ് സിപിഎം ഉള്പ്പടെയുള്ള ഇടത് പാര്ട്ടികളുമായി സഖ്യത്തില് മത്സരിക്കുന്നത് എന്ന് കോണ്ഗ്രസ് വൃത്തങ്ങള് അറിയിച്ചു.
