മഹാരാഷ്ട്രയിൽ ഒമിക്രോൺ സ്ഥിരീകരിച്ചയാളുടെ പരിശോധന ഫലം നെഗറ്റീവായി. രോഗം സ്ഥിരീകരിച്ചിരുന്ന 33-കാരനായ മറൈന് എഞ്ചിനീയറാണ് ആശുപത്രി വിട്ടത്. ബുധനാഴ്ച ആശുപത്രിയില്നിന്ന് ഡിസ്ചാര്ജ് ചെയ്ത ഇയാളോട് ഏഴ് ദിവസം ഹോം ക്വാറന്റൈനിൽ തുടരാൻ നിർദേശം നൽകിയിട്ടുണ്ട്. വാർത്താ ഏജൻസിയായ പിടിഐ ആണ് ഇക്കാര്യം റിപ്പോർട്ട് ചെയ്തത്.
കല്യാണ്-ഡോംബിവ്ലി പ്രദേശത്തെ താമസക്കാരനായ ഇയാള് നവംബര് 23-നാണ് ദക്ഷിണാഫ്രിക്കയില് നിന്ന് ദുബായ് വഴി ഡല്ഹി വിമാനത്താവളത്തില് എത്തുന്നത്. അവിടെ സാംപിള് നല്കിയശേഷം വിമാനമാര്ഗം തന്നെയാണ് മുംബൈയിലെത്തിയത്. കോവിഡ് പരിശോധന പോസിറ്റീവായതിനെത്തുടര്ന്ന് കല്യാണ്-ഡോംബിവിലിയില് ആശുപത്രിയിലായിരുന്നു. അണുബാധ നെഗറ്റീവ് ആയതിനാൽ അദ്ദേഹത്തെ ഡിസ്ചാർജ് ചെയ്തു. സ്റ്റാൻഡേർഡ് പ്രോട്ടോക്കോൾ അനുസരിച്ച്, അദ്ദേഹത്തിന്റെ രണ്ട് ആർടി-പിസിആർ ടെസ്റ്റുകൾ നടത്തി, രണ്ടും നെഗറ്റീവ് ആയി. അദ്ദേഹത്തിന് ഇപ്പോൾ സുഖമായിരിക്കുന്നു, രോഗലക്ഷണങ്ങളൊന്നുമില്ല,കല്യാണ്-ഡോംബിവ്ലി മുന്സിപ്പല് കമ്മീഷണര് ” വിജയ് സൂര്യവൻഷി പറഞ്ഞു
ഇയാള് കോവിഡ് വാക്സിന് സ്വീകരിച്ചിരുന്നില്ല. വാക്സിന് എടുക്കാന് ശ്രമിച്ചെങ്കിലും ഒരു സ്വകാര്യ കപ്പലില് ജോലിക്കാരനായ ഇയാള് ഈ വര്ഷം ഏപ്രിലില് കോവിഡിന്റെ വ്യാപനഘട്ടത്തില് രാജ്യം വിട്ടതിനാല് ഇതിന് സാധിച്ചിരുന്നില്ലെന്നാണ് റിപ്പോര്ട്ടുകള്.
കല്യാണ് നഗരത്തിലെ കോവിഡ് സെന്ററില് പ്രവേശിപ്പിച്ച ഇയാളുടെ ആരോഗ്യനില തൃപ്തികരമാണെന്നും ഇയാള്ക്ക് ചെറിയ രോഗലക്ഷണങ്ങളേ ഉണ്ടായിരുന്നുള്ളൂവെന്നും ആരോഗ്യവകുപ്പ് അറിയിച്ചിരുന്നു
