ആചാര അനുഷ്ഠാനങ്ങളുടെ സംരക്ഷണവും, ആരാധനയ്ക്കുമപ്പുറം ജീവജാല സംരക്ഷണവും, ജല സംരക്ഷണവുമെല്ലാം കാവുകൾ നിർവഹിക്കുന്നു എന്ന തിരിച്ചറിവിൻറെ ഭാഗമായി കുന്ദമംഗലം ഗ്രാമപഞ്ചായത്തിൽ പരസ്പര ബന്ധമില്ലാതെ ചിതറി കിടക്കുന്ന 308 ഓളം കാവുകളുടെ കൂട്ടായ്മ രൂപീകരിക്കുന്നതിനായി വിപുലമായ കൂടിച്ചേരൽ സംഘടിപ്പിച്ചു.
കുന്ദമംഗലം കെ പി ചോയി മെമ്മോറിയൽ ഹാളിൽ നടന്ന പരിപാടി, അമൃതാനന്ദമയി വിവേകാമൃതാനന്ദപുരി ഉദ്ഘാടനം ചെയ്തു. കെ പി വസന്തരാജ് പരിപാടിയുടെ അധ്യക്ഷത വഹിച്ചു.
മുൻ എംഎൽഎ യു സി രാമൻ, ഗ്രാമപഞ്ചായത്ത് മെമ്പർമാരായ ചന്ദ്രൻ തിരുവലത്ത്, ധർമ്മരത്നൻ മണ്ണത്തൂർ, ബ്ലോക്ക് മെമ്പർ ശിവദാസൻ നായർ, കമ്മിറ്റി മെമ്പർമാരായ അജയകുമാർ ,അനൂപ് കുന്നത്ത്, കണ്ണോറശശി ,ചെട്ടിയാരു കണ്ടിശിവശങ്കരൻ, കാരയിൽ മുരളി തുടങ്ങിയവർ സംസാരിച്ചു.
