ഡല്ഹി: യുപിയില് 600 ഗ്രാമങ്ങള് പ്രളയ ഭീഷണിയില്. ഗുജറാത്ത്, ഗോവ, മഹാരാഷ്ട്ര സംസ്ഥാനങ്ങളില് ഓറഞ്ച് അലര്ട്ട് പ്രഖ്യാപിച്ചു. മണ്സൂണ് മഴ ശക്തമായതിനെ രാജ്യത്തിന്റെ വിവിധ ഭാഗങ്ങളില് വെള്ളപ്പൊക്ക ഭീഷണി നിലനില്ക്കുകയാണ്. മഹാരാഷ്ട്ര ഗുജറാത്ത് ഉത്തര്പ്രദേശ് സംസ്ഥാനങ്ങളില് ശക്തമായ മഴ തുടരുകയാണ്. വരുന്ന മൂന്നുദിവസം കൂടി മഹാരാഷ്ട്രയില് ശക്തമായ മഴ തുടരും എന്നാണ് ഐ.എം.ഡിയുടെ മുന്നറിയിപ്പ്. യുപിയില് വെള്ളപ്പൊക്കത്തിലും മിന്നലിലും 52 പേര് മരിച്ചു. അസം ഉത്തരാഖണ്ഡ് ഉള്പ്പെടെയുള്ള വടക്ക് കിഴക്കന് സംസ്ഥാനങ്ങളില് മഴക്കെടുതി രൂക്ഷമാണ്. ഹിമാചലിലും ഉത്തരാഖണ്ഡിലും മണ്ണിടിച്ചിലിനെ തുടര്ന്ന് പലയിടങ്ങളിലും ഗതാഗതം തടസപ്പെട്ടു.
ഈ സംസ്ഥാനങ്ങളിലേക്ക് യാത്ര ചെയ്യുന്നവര് ജാഗ്രത പാലിക്കണമെന്ന് ദുരന്ത നിവാരണ അതോറിറ്റി മുന്നറിയിപ്പ് നല്കിയിട്ടുണ്ട്.