തൃശൂര്: തൃശൂരിലെ വോട്ട് ക്രമക്കേടില് കൂടുതല് ആരോപണങ്ങളുമായി കോണ്ഗ്രസ് നേതാക്കള് രംഗത്ത്. പൂങ്കുന്നം ശങ്കരങ്കുളങ്ങരയിലെ ഫ്ലാറ്റില് മാത്രം 79 പേരെ ക്രമരഹിതമായി പട്ടികയില് ഉള്പ്പെടുത്തി എന്ന് കോണ്ഗ്രസിന്റെ മുന് കൗണ്സിലര് വത്സല ബാബുരാജ് പറഞ്ഞു. തൊട്ടടുത്ത വാട്ടര് ലില്ലി ഫ്ലാറ്റില് 38 വോട്ടുകളും ചേര്ക്കപ്പെട്ടു. കോണ്ഗ്രസിന്റെ ബൂത്ത് ഏജന്റുമാര് ജില്ലാ കളക്ടറോട് പരാതി പറഞ്ഞതിനെ തുടര്ന്നാണ് ഈ വോട്ടുകള് പോള് ചെയ്യുന്നത് തടഞ്ഞത്. ഇക്കൂട്ടത്തില് ഒരാള് മാത്രം വോട്ട് ചെയ്തു പോയെന്നും വത്സല ബാബുരാജ് പ്രതികരിച്ചു. കഴിഞ്ഞ ദിവസവും വോട്ടര് പട്ടികയില് ക്രമക്കേട് ഉണ്ടെന്ന് കോണ്ഗ്രസ് നേതാക്കള് പ്രതികരിച്ചിരുന്നു.
