കുന്ദമംഗലം മഹല്ല് മുസ്ലിം ജമാഹത് കമ്മിറ്റി ഭരണസമിതിയിലേക്കുള്ള തെരെഞ്ഞെടുപ്പ് പുരോഗമിക്കവേ വോട്ട് നില ആയിരം കടക്കാൻ സാധ്യത.രാവിലെ 8 മണി മുതൽ ആരംഭിച്ച തിരഞ്ഞെടുപ്പ് 12 കഴിയുമ്പോഴേക്ക് രണ്ട് ബൂത്തുകളിൽ നിന്നായി 785 കടന്നു.അതിരാവിലെ തന്നെ രണ്ട് ബൂത്തുകൾക്ക് മുന്നിലും വോട്ടർമാരുടെ നീണ്ട നിരയായിരുന്നു.വൈകല്യമുള്ളവരെയും അസുഖ ബാധിതരെയും ബൂത്തിന് പുറത്തു നിന്ന് റിട്ടേർണിംഗ് ഓഫീസർ അഡ്വ മുഹമ്മദ് ഷാഫി വോട്ട് ചെയ്യാനുള്ള സൗകര്യമൊരുക്കി നൽകി.സിബിൻ ,അബാസ്,സൈദലവി എന്നിവരാണ് ബൂത്തിന് പുറത്ത് നിന്നും വോട്ട് ചെയ്തത്.ആകെ 1424 പുരുഷ വോട്ടർമാരാണുള്ളത്.മൂന്ന് മണിക്ക് ശേഷം വോട്ടണ്ണൽ ആരംഭിക്കും, ആറ് മണിക്ക് മുമ്പായി ഫല പ്രഖ്യാപനവും നടക്കും ഇരുവിഭാഗത്തിൽ നിന്നുമായി 30 സ്ഥാനാർത്ഥികൾ മൽസര രംഗത്തുണ്ട്.എപി – ഇകെ വിഭാഗങ്ങളിലായി 15 പേർ വീതം ആകെ 30 സ്ഥാനാർഥികളാണ് മത്സരിക്കുന്നത്.
