കുന്ദമംഗലം കോ ഓപറേറ്റീവ് റൂറൽ ബാങ്ക് അംഗങ്ങളുടെ മക്കളിൽ പത്ത് പന്ത്രണ്ട് ക്ലാസുകളിലെ പരീക്ഷയിൽ ഉന്നത വിജയം നേടിയ വിദ്യാർഥികളെ അനുമോദിച്ചു. അഡ്വക്കറ്റ് പിടിഎ റഹീം എംഎൽഎ ഉദ്ഘാടനം ചെയ്തു. ബാങ്ക് വൈസ് പ്രസിഡണ്ട് സി. പ്രമോദ് സ്വാഗതം പറഞ്ഞ ചടങ്ങിൽ പ്രസിഡണ്ട് കെ.സി രാമചന്ദ്രൻ അധ്യക്ഷത വഹിച്ചു. ബാങ്കിന്റെ പരിധിയിലുള്ള കുന്നമംഗലം, കുരുവട്ടൂർ പഞ്ചായത്തുകളിലെ അൻപത് വിദ്യാർഥികളെയാണ് അനുമോദിച്ചത്. ചടങ്ങിൽ വെച്ച് ഫൂട്ട് വോളി ടൂർണമെന്റിൽ ഇന്ത്യക്ക് വേണ്ടി കളിച്ച റിയാസ് റഹ്മാനെ എംഎൽഎ ഉപഹാരം നൽകി ആദരിച്ചു. കുന്നമംഗലം ഗ്രാമ പഞ്ചായത്ത് പ്രസിഡണ്ട് ലിജി പുൽകുന്നുമ്മൽ , വൈസ് പ്രസിഡണ്ട് വി. അനിൽകുമാർ , ബാങ്ക് ഡയറക്ടർമാരായ ജനാർദ്ദനൻ കളരികണ്ടി, സോമശേഖരൻ ,വിനയകുമാർ , സിന്ധു , വിനീത പി., പ്രമോദ്, മുൻ ഗ്രാമ പഞ്ചായത്തംഗം മൊയ്തീൻ കോയ എന്നിവർ ഉപഹാര സമർപ്പണം നടത്തി. ബാങ്ക് സെക്രട്ടറി പി രാജൻ നന്ദി പറഞ്ഞു. ടി.ശ്രീജിത്ത്, പി.പി ഷിനിൽ സുഗേഷ് എം.കെ എന്നിവർ നേതൃത്വം നൽകി
