പോക്സോ കേസിൽ അഞ്ചലിക്കും റോയ് വയലാട്ടിനുമെതിരെ ശക്തമായ തെളിവുണ്ടെന്ന് പോലീസ്. കൊച്ചി ഡിസിപി വി.യു കുര്യാക്കോസാണ് ഇക്കാര്യം അറിയിച്ചത്.കേസില് അഞ്ജലിക്കും റോയി വയലാറ്റിനുമെതിരെ ഗുരുതര ആരോപണങ്ങളുമായി പരാതിക്കാരി രംഗത്തുവന്നിരുന്നു.
തെളിവുകള് ലഭിച്ചിട്ടുണ്ടെങ്കിലും മറ്റാരും പരാതി നല്കിയിട്ടില്ല. റോയ് അന്വേഷണ സംഘത്തിന് മുന്നില് ഹാജരാകാത്തതില് കോടതിയെ സമീപിക്കുമെന്നും ഡിസിപി പറഞ്ഞു.
അന്വേഷണം നല്ല നിലയിലാണ് മുന്നോട്ടുപോകുന്നതെന്നും ഒരു വീഴ്ചയും ഉണ്ടായിട്ടില്ല ഈ കേസുമായി ബന്ധപ്പെട്ട് രണ്ടുപേരാണ് പരാതി നല്കിയത്. ഇവരുടെ മൊഴി രേഖപ്പെടുത്തിയിരുന്നു. സിസിടിവി ദൃശ്യങ്ങള് ഉള്പ്പടെ പരിശോധിച്ചാണ് റോയിക്കും സഹായി അഞ്ജലിക്കുമെതിരേ ശാസ്ത്രീയമായ തെളിവുകള് ഉള്പ്പെടെയുള്ള തെളിവുകള് ശേഖരിച്ചത്.
മോഡലുകളുടെ മരണത്തില് സിബിഐ അന്വേഷണം വേണമെന്ന ബന്ധുക്കളുട ആവശ്യത്തെ എതിര്ക്കില്ലെന്നും പോലീസ് അറിയിച്ചു. ഫോര്ട്ടുകൊച്ചി ‘നമ്പര് 18’ ഹോട്ടലുടമ റോയി ജെ. വയലാട്ടിനെതിരെയുളള പോക്സോ കേസിന്റെ വിവരങ്ങള് പുറത്തുവന്ന പശ്ചത്തലത്തിലാണ് അന്സി കബീറിന്റെ ബന്ധുക്കള് ആരോപണവുമായി രംഗത്തെത്തിയത്. റോയ് വയലാട്ടിന്റെ ഹോട്ടലില് നിന്ന് മടങ്ങുമ്പോഴായിരുന്നു അന്സിയും സുഹൃത്തുക്കളും കാറപകടത്തില്പ്പെട്ടത്. റോയ് വയലാട്ടിന്റെ സുഹൃത്തായ സൈജു തങ്കച്ചന് മറ്റൊരു കാറില് മോഡലുകളെ പിന്തുടര്ന്നിരുന്നു. ഇവരില് നിന്ന് രക്ഷപ്പെടാനായി മോഡലുകൾക്കൊപ്പമുണ്ടായിരുന്ന അബ്ദുൾ റഹ്മാൻ കാർ വേഗതയിൽ ഓടിച്ചതാണ് അപകടത്തിലേക്ക് നയിച്ചതെന്നായിരുന്നു പൊലീസ് കണ്ടെത്തൽ.
