തിരുവനന്തപുരം: ഏഷ്യന് ഗെയിംസ് മെഡല് ജേതാവും കേരള സ്പോര്ട്സ് കൗണ്സില് മുന് അധ്യക്ഷയുമായ പത്മിനി തോമസും മകനും ബിജെപിയില് ചേരും. ഇന്ന് അംഗത്വമെടുക്കുമെന്ന് പത്മിനി തോമസ് സ്ഥിരീകരിച്ചു. കെപിസിസി കായിക വേദിയുടെ അധ്യക്ഷയായി പ്രവര്ത്തിച്ച പത്മിനി തോമസ് വര്ഷങ്ങളായി കോണ്ഗ്രസുമായി ചേര്ന്നു പ്രവര്ത്തിച്ചു വരികയായിരുന്നു.
2020 ലെ തദ്ദേശ തിരഞ്ഞെടുപ്പില് തിരുവനന്തപുരം നഗരസഭയില് കോണ്ഗ്രസ് മേയര് സ്ഥാനാര്ത്ഥിയായി പരിഗണിച്ചിരുന്നെങ്കിലും പിന്നീട് സീറ്റ് നിഷേധിക്കുകയായിരുന്നു. തിരുവനന്തപുരം ജില്ലയില് ഒരു വിഭാഗം കോണ്ഗ്രസ് നേതാക്കള് ഇന്ന് ബിജെപിയില് ചേരുമെന്ന് പാര്ട്ടി സംസ്ഥാന അധ്യക്ഷന് കെ സുരേന്ദ്രന് കഴിഞ്ഞ ദിവസം പറഞ്ഞിരുന്നു. അതിനിടെയാണ് പത്മിനി തോമസിന്റെ കൂറുമാറ്റം സ്ഥിരീകരിക്കുന്നത്.
ലോക്സഭാ തിരഞ്ഞെടുപ്പ് ഒരുക്കങ്ങള്ക്കിടെ പത്മജ വേണുഗോപാല് ബിജെപിയില് ചേര്ന്നത് ചര്ച്ചയാണ്.
