മിസ് യൂണിവേഴ്സ് കിരീടം അമേരിക്കയുടെ ആര് ബോണി ഗബ്രിയേലക്ക്.84 രാജ്യങ്ങളെ പിന്തള്ളിയാണ് അമേരിക്ക വിശ്വ സുന്ദരി കിരീടം സ്വന്തമാക്കിയത്.71-ാം മിസ് യൂണിവേഴ്സ് മത്സരത്തിൽ മിസ് വെനസ്വേല അമാന്ഡ ഡുഡാമെല് രണ്ടാം സ്ഥാനവും ഡൊമിനിക്കന് റിപ്പബ്ലിക്കിന്റെ ആന്ദ്രെയ്ന മാര്ട്ടിനെസ് മൂന്നാം സ്ഥാനവും സ്വന്തമാക്കി. എന്നാല് ഇന്ത്യയുടെ ദിവിത റായിയുടെ മത്സരം ആദ്യ 16-നുള്ളില് അവസാനിച്ചു.പോർട്ടോ റീക്കോ, കുറാക്വോ എന്നിവയാണ് ആദ്യ അഞ്ചിലെ മറ്റ് രാജ്യങ്ങൾ. കഴിഞ്ഞ വര്ഷത്തെ വിശ്വസുന്ദരി ഇന്ത്യയുടെ ഹര്നാസ് സന്ധു ആര് ബോണി ഗബ്രിയേലിന് കിരീടം അണിയിച്ചു. ഇതിന് മുമ്പ് 1994-ല് ഇന്ത്യയുടെ സുസ്മിത സെന്നും 2000-ത്തില് ലാറ ദത്തയും വിശ്വ സുന്ദരിയായിരുന്നു.അമേരിക്കന് പൗരത്വമുള്ള ആര് ബോണി ഗബ്രിയേല ഫിലിപ്പീന്സ് വംശജയാണ്. ചരിത്രത്തില് ആദ്യമായാണ് ഒരു അമേരിക്കന്-ഫിലിപ്പീന്സ് സുന്ദരി മിസ് യൂണിവേഴ്സ് കിരീടം നേടുന്നത്.
