കണ്ണൂര്‍: എം.വി ജയരാജന് പകരം പുതിയ സി.പി.എം കണ്ണൂര്‍ ജില്ലാ സെക്രട്ടറിയെ ഇന്ന് തെരഞ്ഞെടുക്കും. രാവിലെ ചേരുന്ന ജില്ലാ കമ്മിറ്റി യോഗത്തിലാണ് ജില്ലാ സെക്രട്ടറിയെ തിരഞ്ഞെടുക്കുക. മുഖ്യമന്ത്രി പിണറായി വിജയനും സംസ്ഥാന സെക്രട്ടറി എം.വി ഗോവിന്ദനും യോഗത്തില്‍ പങ്കെടുക്കുന്നുണ്ട്. സംസ്ഥാന സമ്മേളനത്തിന് ശേഷം ജില്ലാ സെക്രട്ടറിയേറ്റ് രൂപീകരിച്ചിരുന്നില്ല. ഇതും ഇന്നത്തെ യോഗത്തില്‍ രൂപികരിക്കും.
നിലവിലുണ്ടായിരുന്ന ജില്ലാ സെക്രട്ടറി എം.വി ജയരാജന് സംസ്ഥാന സെക്രട്ടറിയേറ്റില്‍ ഇടം പിടിച്ചതിനെ തുടര്‍ന്നാണ് കണ്ണൂരില്‍ പുതിയ ജില്ലാ സെക്രട്ടറിയെ തിരഞ്ഞെടുക്കേണ്ട സാഹചര്യം ഉണ്ടായത്. സംസ്ഥാന കമ്മിറ്റി അംഗങ്ങളായ കെ.കെ രാഗേഷിനും എം. പ്രകാശന്‍ മാസ്റ്റര്‍ക്കുമാണ് സാധ്യത കൂടുതല്‍. കൂടാതെ ടി.വി രാജേഷിന്റെ പേരും ജില്ലാ സെക്രട്ടറി സ്ഥാനത്തേക്ക് ഉയര്‍ന്ന് വന്നിരുന്നു.
