കൊടിയത്തൂര്‍ : കഴുത്തൂട്ടിപുറായ ഗവ.എല്‍ പി സ്‌കൂളില്‍ ‘ വല്യര്ന്നാള്‍’ എന്ന തലക്കെട്ടില്‍ നടക്കുന്ന ബലിപെരുന്നാള്‍ ആഘോഷത്തിന് തുടക്കമായി. കൂട്ടുകാര്‍ക്കൊരു ആശംസ കാര്‍ഡ്, ചരിത്രക്വിസ്,പെരുന്നാപ്പാട്ട്,കാരുണ്യക്കടലാവാം,മൈലാഞ്ചിച്ചോപ്പ് തുടങ്ങിയ നിരവധി പരിപാടികള്‍ സംഘടിപ്പിച്ചു.
പിടിഎ പ്രസിഡന്റ് എ കെ റാഫി ഉദ്ഘാടനം ചെയ്തു. ഹെഡ്മാസ്റ്റര്‍ ടി കെ ജുമാന്‍ അധ്യക്ഷത വഹിച്ചു. എസ് എം സി ചെയര്‍മാന്‍ ടി ശിഹാബ്, എംപിടിഎ ചെയര്‍പേഴ്‌സന്‍ ജുവൈരിയ ശഫ്രീന്‍, പിടിഎ വൈസ് പ്രസിഡന്റ് ശംസു കുന്നത്ത്, സീനിയര്‍ അസിസ്റ്റന്റ് സി അബ്ദുല്‍ കരീം എന്നിവര്‍ ആശംസകള്‍ നേര്‍ന്നു.
