മഞ്ചേരി: ഗവ. മെഡിക്കല് കോളേജ് കെട്ടിടത്തിന്റെ ജനല് കാറ്റില് അടര്ന്നുവീണ് രണ്ടു നഴ്സിങ് വിദ്യാര്ഥികള്ക്ക് പരിക്ക്.തിങ്കളാഴ്ച വൈകീട്ട് 3.45ഓടെ യാണ് അപകടം. ഒന്നാംനിലയിലെ ഫിസിയോളജി ഹാളിലെ ഇരുമ്പ് ജനലാണ് താഴേക്കു വീണത്. ഒന്നാം വര്ഷ ബിഎസ്സി ന ഴ്സിങ് വിദ്യാര്ഥിനികളായ ബി. ആദിത്യ, പി.ടി. നയന എന്നിവര്ക്കാണ് പരിക്കേറ്റത്. തലക്കു മുറിവേറ്റ ഇരുവരെയും അത്യാഹിത വിഭാഗത്തില് പ്രവേശിപ്പിച്ചു. പരിക്ക് ഗുരുതരമല്ലെന്ന് കോളജ് അധികൃതര് പറഞ്ഞു.
നഴ്സിങ് കോളജിന് സ്വന്തം കെട്ടിടമില്ലാത്തതിനാല് ഈ കെട്ടിടത്തിലെ ക്ലാസ് മുറികളാണ് നഴ്സിങ് വിദ്യാര്ഥികളുടെ പഠനത്തിനായി ഉപയോഗിക്കുന്നത്. 10 വിദ്യാര്ഥികള് ലാബില് പോയ സമയം മറ്റു വിദ്യാര്ഥികള് ഹാളിലിരിക്കുമ്പോഴാണ് അപകടം. കലക്ടര്, ആരോഗ്യ വിദ്യാഭ്യാസ വകുപ്പ് (ഡി.എം.ഇ) എന്നിവര്ക്ക് റിപ്പോര്ട്ട് നല്കുമെന്ന് പ്രിന്സിപ്പല് ഡോ. കെ.കെ. അനില് രാജ് പറഞ്ഞു.
