തിരുവനന്തപുരം: വോട്ടെടുപ്പ് ദിനം തലപൊക്കിയ പുസ്തക വിവാദം ഗൂഢാലോചനയെന്ന് ഇ.പി ജയരാജന്. സിപിഎം സംസ്ഥാന സെക്രട്ടറിയറ്റില് ആണ് ഇ.പി നിലപാട് വ്യക്തമാക്കിയത്.
പുസ്തകം താന് എഴുതിയതല്ലെന്നാണ് ഇ.പിയുടെ വാദം. പുസ്തക വിവാദം വോട്ടെടുപ്പിന്റെ അന്ന് തന്നെ പൊട്ടിമുളച്ചതില് ഗൂഢാലോചന ഉണ്ടെന്നും ഇ.പി പറയുന്നു. താന് ആത്മകഥ എഴുതുന്നുണ്ടെന്നും ദേശാഭിമാനിയിലെ ഒരു ലേഖകനാണ് അതിന് സഹായിക്കുന്നതെന്നുമാണ് അദ്ദേഹം കൂട്ടിച്ചേര്ക്കുന്നത്. ആത്മകഥയുടെ കരാര് ആരുമായും ഒപ്പുവച്ചിട്ടില്ലെന്നും തന്നെ അപകീര്ത്തിപ്പെടുത്താന് മനഃപ്പൂര്വ്വം നടത്തിയ ശ്രമമാണെന്നും അദ്ദേഹം സെക്രട്ടറിയറ്റ് യോഗത്തില് അറിയിച്ചതായാണ് വിവരം.
സംസ്ഥാന നേതൃത്വം വിഷയത്തിലെന്താണ് നിലപാട് സ്വീകരിച്ചിരിക്കുന്നത് എന്ന കാര്യം വ്യക്തമല്ല.
