മലയാള സിനിമയുടെ ‘സാർവത്രിക നായകൻ’ (Evergreen Hero) പ്രേംനസീർ ഓർമ്മയായിട്ട് 2026 ജനുവരി 16-ന് 37 വർഷം പൂർത്തിയാകുന്നു; അദ്ദേഹം 1989 ജനുവരി 16-നാണ് അന്തരിച്ചത്, ഇത് അദ്ദേഹത്തിന്റെ 37-ാം ചരമവാർഷികമാണ് ഇന്ന്.
മൂന്ന് പതിറ്റാണ്ടിലധികം സിനിമാലോകത്ത് നിറഞ്ഞുനിന്നതാണ് നസീറിന്റെ ചലച്ചിത്രജീവിതം. ഏറ്റവും കൂടുതല് ചിത്രങ്ങളിൽ നായകനായി വേഷം ചെയ്തു എന്ന ലോക റെക്കോഡ്, ഇന്നും നസീറിന് സ്വന്തമാണ്. 700 ചിത്രങ്ങളിൽ നായകന്.
തിരുവനന്തപുരം ചിറയിന്കീഴിൽ ഷാഹുല് ഹമീദിന്റെയും ആസുമ്മ ബീവിയുടെയും മകനായി 1927 ഏപ്രില് ഏഴിനാണ് ജനനം. 1952ൽ പുറത്തിറങ്ങിയ മരുമകളിലൂടെ അരങ്ങേറ്റം. രണ്ടാമത്തെ ചിത്രമായ വിശപ്പിന്റെ വിളിയിലെത്തിയപ്പോളാണ് പേര് മാറ്റിയത്. തിക്കുറിശ്ശി സുകുമാരന് നായരാണ്, അബ്ദുൾ ഖാദറിനെ പ്രേം നസീറാക്കുന്നത്. ഇരുട്ടിന്റെ ആത്മാവ്, കളളിച്ചെല്ലമ്മ, ധ്വനി, മുറപ്പെണ്ണ്, അനുഭവങ്ങള് പാളിച്ചകൾ, പടയോട്ടം തുടങ്ങിയ ചിത്രങ്ങളിലായിരുന്നു ഏറ്റവും ശ്രദ്ധേയമായ കഥാപാത്രങ്ങളെ അവതരിപ്പിച്ചത്. 1950കളിലാണ് താര പരിവേഷത്തിലേക്കുള്ള നസീറിന്റെ ഉയര്ച്ച.
1967ല് പുറത്തിറങ്ങിയ എംടി വാസുദേവന്നായരുടെ ‘ഇരുട്ടിന്റെ ആത്മാവി’ലെ അഭിനയം നസീറിന് ഇന്ത്യന് ചലച്ചിത്ര ലോകത്ത് സ്വന്തമായ ഇടം നേടിക്കൊടുത്തു. 1979 ല് മാത്രം നസീർ നായകനായി 39 സിനിമകളാണ് ഇറങ്ങിയത്. അക്കാലത്തെ നസീറിൻറെ സ്വീകാര്യതയാണ് ഇത് കാണിക്കുന്നത്. സൂപ്പര് താരങ്ങളില്ലാത്ത ലോകത്ത് പകരം വക്കാനില്ലാത്ത സൂപ്പര് താരമായിരുന്നു നസീര്. നസീറിന് രാജ്യം, പദ്മഭൂഷൺ പത്മശ്രീ ബഹുമതികൾ നല്കി ആദരിച്ചിട്ടുണ്ട്. 1989 ജനുവരി 16ന്, 62 -ാത്തെ വയസ്സിൽ ചെന്നൈയിൽ വെച്ചായിരുന്നു നിത്യഹരിതനായകന് നമ്മോട് വിടപറഞ്ഞത്.
