വാഷിങ്ടണ്: മധ്യ അമേരിക്കയിലുടനീളം വീശിയടിച്ച ചുഴലിക്കാറ്റിലും കൊടുങ്കാറ്റിലും 33 പേര് മരിച്ചു. നിരവധി പേര്ക്ക് പരിക്കേറ്റു. മരണ സംഖ്യ ഉയരാന് സാധ്യതയുണ്ട്.
വീടുകളുടെ മേല്ക്കൂരകള് തകര്ന്നതുള്പ്പെടെ നിരവധി നാശനഷ്ടങ്ങളും റിപ്പോര്ട്ട് ചെയ്തിട്ടുണ്ട്. ശനിയാഴ്ചയാണ് ശക്തമായ ചുഴലിക്കാറ്റ് അനുഭവപ്പെട്ടത്. വലിയ ട്രക്കുകള് മറിഞ്ഞുകിടക്കുന്നതും ഉള്പ്പടെ ദുരന്തത്തിന്റെ വ്യാപ്തി വ്യക്തമാക്കുന്ന ദൃശ്യങ്ങളടക്കം പുറത്തുവന്നിട്ടുണ്ട്. കനത്ത പൊടിക്കാറ്റിനെ തുടര്ന്ന് വാഹനങ്ങള് കൂട്ടിയിടിച്ചും അപകടം സംഭവിച്ചു.
ചുഴലിക്കാറ്റ് വീശിയടിച്ച അര്ക്കന്സാസ്, ജോര്ജിയ എന്നിവിടങ്ങളില് അടിയന്തരാവസ്ഥ പ്രഖ്യാപിച്ചു.
50 ലധികം ആക്സിഡറ്റ് കേസുകളാണ് റിപ്പോര്ട്ട് ചെയ്ത്. കന്സാസിലുണ്ടായൊരു വാഹനാപകടത്തില് എട്ട് പേരാണ് കൊല്ലപ്പെട്ടത്. മരങ്ങളും വൈദ്യുതി ലൈനുകളും വീണതായും കെട്ടിടങ്ങള്ക്ക് കേടുപാടുകള് സംഭവിച്ചതായും പൊലീസ് റിപ്പോര്ട്ട് ചെയ്തു.
