പാലക്കാട്: ഷൊര്ണൂര് വാണിയംകുളത്ത് നിന്ന് കാണാതായായ കുടുംബം കര്ണാടകയിലെന്ന് കണ്ടെത്തി. ഇവര് മൈസൂരൂ ചാമരാജ് നഗറില് എത്തിയതിന്റെ സിസിടിവി ദൃശ്യങ്ങള് അന്വേഷണ സംഘത്തിന് ലഭിച്ചു. കുടുംബം സഞ്ചരിച്ചിരുന്ന പിക്കപ്പ് വാന് വഴിക്കടവില് ഉപേക്ഷിച്ച നിലയില് കണ്ടെത്തിയിരുന്നു. കഴിഞ്ഞ 9ന് പുലര്ച്ചെ മുതലാണ് കുടുംബത്തെ കാണാതെ ആയത്. വാണിയംകുളം പനയൂരിലെ ബാബു ഭാസ്കര്, ഭാര്യ രമാദേവി, മകന് വിഷ്ണു എന്നിവരെയാണ് കാണാതായത്. തെരച്ചിലിനായി ബാബു ഭാസ്കറിന്റെ മൂത്തമകന് വൈശാഖും കര്ണാടകയില് എത്തിയിരുന്നു.
