ടി പി വധക്കേസ് പ്രതി കൊടി സുനിയെ ജയില് മാറ്റി. തവനൂര് സെന്ട്രല് ജയിലിലേക്കാണ് മാറ്റിയത്.കോടതി പരിസരത്തെ പരസ്യ മദ്യപാനം ഉള്പ്പടെ പുറത്തുവന്ന പശ്ചാത്തലത്തിലാണ് നടപടി. പരസ്യ മദ്യപാനത്തില് കൊടി സുനിക്കെതിരെ തലശേരി പൊലീസ് കേസെടുത്തിരുന്നു. കൊടി സുനി ഉള്പ്പെടെ ഏഴ് പേര്ക്കെതിരെയാണ് കേസെടുത്തത്.
മാഹി ഇരട്ടക്കൊലപാതക കേസില് കോടതിയില് ഹാജരാക്കാന് കൊണ്ടുപോകുന്നതിനിടെ ആയിരുന്നു കൊടി സുനി പൊലീസുകാര് നോക്കിനില്ക്കെ മദ്യപിച്ചത്. പൊലീസ് കാവലിരിക്കെയുള്ള ഈ മദ്യപാനത്തിനെതിരെ വലിയ പ്രതിഷേധമാണ് ഉയര്ന്നത്. തലശ്ശേരിയിലെ ഹോട്ടലിന്റെ മുറ്റത്തുവെച്ചായിരുന്നു പരസ്യ മദ്യപാനം. കോടതിയില് നിന്ന് മടങ്ങുമ്പോഴാണ് കുറ്റവാളികള്ക്ക് മദ്യവുമായി സുഹൃത്തുക്കളെത്തിയത്. സംഭവത്തില് പൊലീസ് കേസെടുക്കാത്തത് വിലയി വിമര്ശനങ്ങള്ക്ക് വഴിവെച്ചിരുന്നു.
