ഇടുക്കി: എം.എം മണിയുടെ അധിക്ഷേപത്തിന് മറുപടിയുമായി ഡീന് കുര്യാക്കോസ് എം.പി. നാടന് പ്രയോഗം എന്നപേരില് എം.എം മണി പറയുന്ന പുലയാട്ടുകള് കേരളത്തിലെ ജനങ്ങള് കേള്ക്കേണ്ട അവസ്ഥയാണ്. സാംസ്കാരിക നായകരും മാധ്യമങ്ങളും എം.എം മണിക്ക് വിശുദ്ധ പദവി നല്കുന്നു. തന്നെ തെറി പറഞ്ഞ് തെരഞ്ഞെടുപ്പിന്റെ ശ്രദ്ധതിരിക്കാനാണ് ശ്രമമെന്നും കേരളത്തിലെ ജനങ്ങള് അത് വിലയിരുത്തുമെന്നും ഡീന് കുര്യാക്കോസ് പറഞ്ഞു.
അസഭ്യം പറയാന് ലൈസന്സുള്ള പോലെയാണ് മണിയുടെ ശൈലി. മണിയുടെ ശൈലിയില് താന് തിരിച്ചു മറുപടി പറയില്ല. ഇടുക്കിയിലെ സങ്കീര്ണ്ണമായ കാര്ഷിക ഭൂപ്രശ്നങ്ങള്ക്ക് വഴിയൊരുക്കിയത് എം.എം മണിയും ഭാഗമായ എല്.ഡി.എഫ് സര്ക്കാറാണെന്നും ഡീന് കുര്യാക്കോസ് കൂട്ടിച്ചേര്ത്തു.
ഷണ്ഡന്മാരെ ജയിപ്പിച്ചു കഴിഞ്ഞാല് അനുഭവിക്കും എന്നായിരുന്നു എം.എം മണിയുടെ അധിക്ഷേപം.