പാലക്കാട്: കോണിക്കഴി മുണ്ടോളിയില് കാല് തെറ്റി ക്വാറിയില് വീണ് ബന്ധുക്കളായ രണ്ടുപേര് മരിച്ചു.ചെഞ്ചുരുളി സ്വദേശികളായ മേഘജ്,അഭയ് എന്നിവരാണ് മരിച്ചത്. ഇന്നലെ രാത്രി 10.30ഓടെയാണ് സംഭവം. സംസാരിച്ച് നടക്കുന്നതിനിടെ മേഘജ് കാല് തെറ്റി ക്വാറിയിലേക്ക് വീഴുകയായിരുന്നു.
മേഘജ് ആദ്യം കാല് വഴുതി വീഴുകയും രക്ഷിക്കാന് ശ്രമിച്ച അഭയ് ഒപ്പം വീഴുകയുമായിരുന്നു. ഇത് കണ്ട മറ്റൊരു സമീപവാസി ഉടന് പോലീസില് വിവരം അറിയിക്കുകയായിരുന്നു. കോങ്ങാട് അഗ്നിശമന സേനയെത്തി തിരച്ചില് നടത്തി ആദ്യം മേഘജിന്റെയും, പിന്നീട് അര്ധരാത്രിയോടെ അഭയ്യുടെയും മൃതദേഹം കണ്ടെടുക്കുകയായിരുന്നു. പുലാപ്പറ്റ എം.എന്.കെ.എം സ്കൂള് പ്ലസ് ടു കഴിഞ്ഞ വിദ്യാര്ത്ഥിയാണ് മേഘജ്. നെഹ്റു കോളേജ് രണ്ടാം വര്ഷ ഡിഗ്രി വിദ്യാര്ഥിയാണ് അഭയ്.