തിരുവനന്തപുരം: വഖഫ് ബോര്ഡ് പുനഃസംഘടനയുമായി ബന്ധപ്പെട്ട് മുഖ്യമന്ത്രി വി ഡി സതീശന് ഉന്നയിച്ച വാദങ്ങള് തള്ളി സി പി എം. അമുസ്ലിം അംഗങ്ങളെ ഉള്പ്പെടുത്തുന്ന കാര്യത്തില് മുഖ്യമന്ത്രി കള്ളം പറയുകയാണെന്നും ഈ വിഷയത്തില് അദ്ദേഹം ബി ജെ പി നിലപാടാണ് സ്വീകരിക്കുന്നതെന്നും മുന വ്യവസായ മന്ത്രിയും സി പി എം കേന്ദ്ര കമ്മിറ്റി അംഗവുമായ പി രാജീവ് ആരോപിച്ചു. നിലവില് വഖഫ് ബോര്ഡിലെ രണ്ട് ഒഴിവുകള് സുപ്രീം കോടതിയുടെ പരിഗണനയിലുള്ളതിനാലാണ് കഴിഞ്ഞ എല് ഡി എഫ് സര്ക്കാര് ഒഴിച്ചിട്ടത്. അല്ലാതെ അമുസ്ലിം അംഗങ്ങള്ക്കാണെന്ന് എവിടെയും പറഞ്ഞിട്ടില്ലെന്നും അദ്ദേഹം വ്യക്തമാക്കി. ടാറ്റ പ്രതിനിധികളുമായുള്ള കൂടിക്കാഴ്ചയിലും മുഖ്യമന്ത്രി അസത്യം പ്രചരിപ്പിക്കുകയാണെന്നും, ടാറ്റയുമായി എല് ഡി എഫ് സര്ക്കാര് നേരത്തെ തന്നെ ധാരണയിലെത്തിയിരുന്നതാണെന്നും മുന് വ്യവസായ മന്ത്രി കൂട്ടിച്ചേര്ത്തു.
