ഗാസയ്ക്ക് പുറമെ വെസ്റ്റ്ബാങ്കിലും കനത്ത ആക്രമണം തുടർന്ന് ഇസ്രയേല്. വെസ്റ്റ്ബാങ്കിലെ അഭയാര്ഥി ക്യാമ്പില് ഇസ്രയേല് നടത്തിയ വ്യോമാക്രമണത്തില് അഞ്ച് കുഞ്ഞുങ്ങളടക്കം 13 പേര് കൊല്ലപ്പെട്ടു. ആക്രമണത്തിനിടെ ഒരു ഇസ്രയേല് സൈനികന് കൊല്ലപ്പെട്ടതായും നിരവധിപേര്ക്ക് പരിക്കേറ്റതായും യുഎന് ഏജന്സി അറിയിച്ചു.
വെസ്റ്റ്ബാങ്കില് 30 ലക്ഷത്തോളം പലസ്തീനികള് താമസിക്കുന്നുണ്ട്. വെസ്റ്റ്ബാങ്കിലെ ജെനിന് അഭയാര്ഥി ക്യാമ്പിന് നേരെയാണ് വ്യോമാക്രമണമുണ്ടായത്. വെസ്റ്റ്ബാങ്കിലെ പ്രസിദ്ധമായ ഒരു പള്ളിക്ക് നേരെയും ആക്രമുണ്ടായി. ഇതില് ഒരാള് കൊല്ലപ്പെട്ടു. അവശിഷ്ടങ്ങള്ക്കിടയില് നിരവധിപേര് കുടുങ്ങി കിടക്കുന്നതായും ആശങ്കയുണ്ട്.
ഇതിനിടെ ഗാസയില് ആക്രമണം ശക്തമാക്കുമെന്ന് ഇസ്രയേല് മുന്നറിയിപ്പ് നല്കിയിട്ടുണ്ട്. ഗാസ മുനമ്പിലേക്ക് ഉടന് കയറുമെന്നും ഇസ്രയേല് സൈന്യം അറിയിച്ചിട്ടുണ്ട്.
ഗാസ സിറ്റിയിലും മറ്റുമുള്ളവരോട് തെക്കന് ഗാസയിലേക്ക് പാലായനം ചെയ്യാനാണ് ഇസ്രയേല് ആവശ്യപെട്ടിട്ടുള്ളത്. ഇല്ലെങ്കിൽ ഹമാസിന്റെ പങ്കാളികളായി
കണക്കാക്കുമെന്നും ആക്രമണം നേരിടേണ്ടിവരുമെന്നുമാണ് മുന്നറിയിപ്പ്.
