നടിയെ ആക്രമിച്ച കേസിൽ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് ചോദ്യം ചെയ്യലിനായി നടന് ദിലീപ് ക്രൈംബ്രാഞ്ച് ഓഫിസിലെത്തി.കളമശ്ശേരിയിലെ ക്രൈംബ്രാഞ്ച് ആസ്ഥാനത്ത് ഉദ്യോഗസ്ഥര് ദിലീപിനെ ചോദ്യം ചെയ്യുന്നതിനുള്ള നടപടികളിലേക്ക് കടന്നു.
പ്രതികൾ നൽകുന്ന മൊഴികളിലെ വസ്തുതകൾ അപ്പപ്പോൾ പരിശോധിക്കാനുള്ള സംവിധാനമൊരുക്കിയിട്ടുണ്ട്. ഒറ്റയ്ക്കിരുത്തിയാകും ആദ്യം ദിലീപിനെ ചോദ്യം ചെയ്യുക. മറ്റു പ്രതികളെ ഒപ്പമിരുത്തില്ല. ബലചന്ദ്രകുമാറിന്റെ മൊഴി വായിച്ചു കേൾപ്പിക്കും.
ദിലീപ് അടക്കമുള്ള അഞ്ചുപ്രതികളെ മൂന്നുദിവസം ക്രൈംബ്രാഞ്ചിന് ചോദ്യംചെയ്യാാന് ഹൈക്കോടതി കഴിഞ്ഞ ദിവസം അനുമതി നല്കിയിരുന്നു. ഞായര്, തിങ്കള്, ചൊവ്വ ദിവസങ്ങളില് പ്രതികള് രാവിലെ ഒന്പത് മണിക്ക് എറണാകുളം ക്രൈംബ്രാഞ്ച് ഓഫീസില് അന്വേഷണ ഉദ്യോഗസ്ഥനുമുന്നില് ഹാജരാകണമെന്നായിരുന്നു ഹൈക്കോടതി നിര്ദേശം. ഇന്ന് ഒമ്പത് മണിക്ക് മുമ്പായി തന്നെ ദിലീപ് ഹാജരായി.രാത്രി എട്ടുവരെ ചോദ്യംചെയ്യാം.
