കാസര്കോട്: കരിന്തളം കോളേജിലെ അധ്യാപക നിയമനത്തിനായി എസ്എഫ്ഐ മുന് നേതാവ് കെ വിദ്യ വ്യാജരേഖ ഉണ്ടാക്കിയെന്ന് കുറ്റപത്രം. വ്യാജസര്ട്ടിഫിക്കറ്റ് ഉപയോഗിച്ച് വിദ്യ സര്ക്കാര് ശമ്പളം കൈപ്പറ്റി. വ്യാജരേഖ നിര്മിക്കാന് മറ്റാരുടേയും സഹായം വിദ്യയ്ക്ക് ലഭിച്ചില്ലെന്നും കുറ്റപത്രത്തില് പറയുന്നു.
വ്യാജരേഖ നിര്മിക്കല്, സമര്പ്പിക്കല്, വഞ്ചന, തെളിവ് നശിപ്പിക്കല് തുടങ്ങിയ വകുപ്പുകളാണ് വിദ്യയ്ക്കെതിരെ ചുമത്തിയത്. ഹോസ്ദുര്ഗ് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് നീലേശ്വരം പൊലീസാണ് കുറ്റപത്രം സമര്പ്പിച്ചത്. വ്യാജ സര്ട്ടിഫിക്കറ്റ് കാട്ടി നിയമനം നേടിയതില് കരിന്തളം കോളജ് അധികൃതര് വിദ്യക്കെതിരെ പൊലീസില് പരാതി നല്കിയിരുന്നു. ഇതിന്റെ അടിസ്ഥാനത്തിലാണ് നീലേശ്വരം പൊലീസ് കേസെടുത്ത് അന്വേഷണം ആരംഭിച്ചത്.
