സൗത്ത് കൊടിയത്തൂർ സീതി സാഹിബ് കൾച്ചറൽ സെന്റർ ലൈബ്രറിയിൽ വായനാ വാരത്തോട് അനുബന്ധിച്ച് വയനാനുഭവങ്ങൾ പങ്കു വെച്ചു. ഓരോരുത്തരുടെയും വായനാ അനുഭവങ്ങൾ പരസ്പരം പങ്കു വെച്ചപ്പോൾ നവ്യാനുഭവമായി. ലൈബ്രറി പ്രസ്ഥാന നായകൻ പി എൻ പണിക്കരെ അനുസ്മരിക്കുകയും ചെയ്തു. ഗ്രന്ഥകാരൻ എ എം. അബ്ദുൽ വഹാബ് ഉദ്ഘാടനം ചെയ്തു. ലൈബ്രറി പ്രസിഡന്റ് പി. സി അബൂബക്കർ അധ്യക്ഷനായി. വാർഡ് മെമ്പർമാരായ എം ടി റിയാസ്, ഫസൽ കൊടിയത്തൂർ, ലൈബ്രറി സെക്രട്ടറി പി അബ്ദുറഹിമാൻ, കൾച്ചറൽ സെന്റർ സെക്രട്ടറി പി സി അബ്ദുന്നാസർ, വി എ റഷീദ്, എൻ കെ അഷ്റഫ്, എം അഹമ്മദ് കുട്ടി മദനി, പി സി അബ്ദുറഹിമാൻ, കാരാട്ട് മുഹമ്മദ് മാസ്റ്റർ എന്നിവർ പ്രസംഗിച്ചു.
