കൊണ്ടോട്ടി പോലീസ് സ്റ്റേഷൻ പരിധിയിൽ കുഴൽപ്പണ വേട്ട. കൊണ്ടോട്ടി ബൈപ്പാസ് റോഡിൽ മലബാർ ഗോൾഡ് നടുത്ത് ഇന്നലെ പുലർച്ചെ 05.30 ക്ക് KL 56./P/3300 എന്ന നമ്പറിലുള്ള റെനോൾട്ട് ബ്ലാക്ക് കളർ കാർ പോലീസ് വണ്ടിയെ കണ്ട് പുറകോട്ട് എടുക്കുന്ന സമയത്ത് വേറെ വണ്ടിയെ ഇടിക്കുകയായിരുന്നു. പരിശോധനക്കെത്തിയ നൈറ്റ് പെട്രോളിങ് ഡ്യൂട്ടിയിൽ ഉണ്ടായിരുന്ന എ എസ് ഐ വിജയൻ, സി പി ഓ ഷുഹൈബ് എന്നിവരെ കണ്ട് കാറിലുണ്ടായിരുന്നവർ പരിഭ്രമത്തിലായി. തുടർന്ന് നടന്ന പരിശോധനയിലാണ് ബാഗിൽ സൂക്ഷിച്ച നിലയിലുള്ള പണംകണ്ടെത്തിയത്. തുടർന്ന് പണം കൊണ്ടോട്ടി താലൂക്ക് ഓഫീസിലെ ഡെപ്യൂട്ടി തഹസിൽദാരായ ശരത് ചന്ദ്ര ബോസിന്റെ നേതൃത്വത്തിൽ എണ്ണി തിട്ടപ്പെടുത്തുകയും ചെയ്തു. 29,84700 രൂപയാണ് പ്രതികളായ മുഹമ്മദ് ഷഹബാസ്, എസ് പി രൻഗു, മണികണ്ഠൻ എന്നിവരിൽ നിന്ന് കണ്ടെത്തിയത്. വിശദമായ പരിശോധനയിൽ പ്രതികളിൽ നിന്ന് 750ഗ്രാം സ്വർണവും കണ്ടെത്തിയിട്ടുണ്ട്. പ്രതികളെ കസ്റ്റഡിയിൽ എടുത്ത് പോലീസ് സ്റ്റേഷനിൽ എത്തിച്ചു.
