കുന്ദമംഗലം ഹൈസ്കൂൾ എസ്എസ്എൽസി 1990 ബാച്ച് ഒത്തുചേരൽ സംഘടിപ്പിച്ചു. എസ്എസ്എൽസി 1990 ബാച്ച് അലൂമിനി കൂട്ടായ്മ റീയൂണിയൻ 2023 എന്ന പേരിൽ ആണ് ഒത്തുചേരൽ സംഘടിപ്പിച്ചത്. കുന്ദമംഗലം ഹയർ സെക്കൻഡറി സ്കൂൾ ഹാളിലായിരുന്നു പരിപാടി നടത്തിയത്. ചടങ്ങിൽ ചാരിറ്റി പ്രവർത്തനത്തിന്റെ ഭാഗമായി കുന്ദമംഗലത്തെ സാമൂഹ്യ രാഷ്ട്രീയ മേഖലയിൽ നിറസാന്നിധ്യമായിരുന്ന കുറിയേരി അബൂബക്കർ സാഹിബിന്റെ ദീപ്തമായ ഓർമ്മകൾ നിലനിർത്തുന്നതിന്റെ ഭാഗമായി അദ്ദേഹത്തിന്റെ മകൻ കുറിയേരി അബ്ദുൽ നാസർ സ്കൂളിലെ പഠന സൗകര്യത്തിൽ പിന്നോക്കം നിൽക്കുന്ന വിദ്യാർത്ഥികൾക്ക് പഠന സഹായം ഏർപ്പെടുത്തി. എൻഡോവ്മെൻറ് ആണ് ഏർപ്പെടുത്തിയത്. ഇതിന്റെ ഉദ്ഘാടനം, കുറിയരി അബ്ദുൾ നാസർ കുന്നമംഗലം ഹൈസ്കൂൾ എച്ച് എം ദീപു മാസ്റ്ററെ എൻഡോവ്മെൻറ് തുക ഏൽപ്പിച്ചുകൊണ്ട് നിർവഹിച്ചു. ചടങ്ങിൽ പി ഗിരീഷ്, പി പി വിമോദ്, കെ കെ റസാക്ക് ,പോൾ കെ ജെ, വിജയൻ കാരന്തൂർ, ഗിരീഷ് ആമ്പ്ര, കെ കെ ഗിരീഷ്, പ്രവീൺ പടനിലം, എംപി സഫീഖ്, എം മുരളീധരൻ തുടങ്ങിയവർ പങ്കെടുത്തു. തുടർന്ന് വെബ്സൈറ്റ് ലോഞ്ചിംഗ്, സമ്മാനദാനം, കലാപരിപാടികൾ തുടങ്ങിയവ നടന്നു.
