മുന്കൂട്ടി അറിയിക്കാതെ എത്തുന്നവരെ അതിര്ത്തി കടത്താന് സഹായിക്കുന്നതില് വലിയ പ്രതിസന്ധി നേരിടുകയാണ് അതിനാൽ പുതിയ നിർദേശങ്ങളുമായി എത്തിയിരിക്കുകയാണ് യുക്രൈനിലെ ഇന്ത്യന് എംബസി. മുൻകൂട്ടി അറിയിക്കാതെ ജനങ്ങള് അതിർത്തികളില് എത്തരുതെന്നാണ് പുതിയ നിർദ്ദേശം. അതിർത്തികളിൽ സ്ഥിതി മെച്ചമല്ലെന്നും മറ്റ് അതിര്ത്തി രാജ്യങ്ങളിലെ ഇന്ത്യന് എംബസിയുമായി ബന്ധപ്പെട്ട് ജനങ്ങളെ രക്ഷിക്കാനുള്ള നപടികള് ഊര്ജ്ജിതമാക്കുകയാണെന്നും അറിയിച്ചു. യുക്രൈനിലെ പടിഞ്ഞാറന് നഗരങ്ങളില് ഉള്ളവര് താരതമ്യേന സുരക്ഷിതരാണെന്നും അവര് സ്ഥലത്ത് തുടരുന്നതാണ് നല്ലതെന്നും എംബസി അറിയിച്ചിട്ടുണ്ട്. മറ്റ് നിര്ദ്ദേശങ്ങള് ലഭിക്കുന്നത് വരെ യുക്രൈന്റെ കിഴക്കന് ഭാഗങ്ങളിലുള്ളവര് സ്ഥലത്ത് തുടരണം.
വിദ്യാർത്ഥികൾ കൂട്ടത്തോടെ എത്തുന്നത് ഒഴിവാക്കണമെന്ന് പോളണ്ടിലെ ഇന്ത്യൻ എംബസിയും അറിയിച്ചിട്ടുണ്ട്. ഷെഹിന്-മെഡിക, കാര്ക്കോവിലൂടെ മാത്രമാണ് ഇന്ത്യക്കാര്ക്ക് പ്രവേശനം. രാത്രി എത്തുന്നത് ഒഴിവാക്കണമെന്നും സുരക്ഷിതമെങ്കിൽ തല്ക്കാലം താമസസ്ഥലങ്ങളിൽ തുടരണമെന്നും എംബസി വ്യക്തമാക്കിയിട്ടുണ്ട്. പോളണ്ട് അതിര്ത്തിയില് നിരവധി പേര് കുടുങ്ങിക്കിടക്കുന്നതിനാല് അതിര്ത്തി കടക്കാനാകുന്നില്ല. പോളണ്ട്, സ്ലൊവാക്യ, ഹംഗറി, റൊമാനിയ എന്നീ നാല് രാജ്യങ്ങള് വഴി ഇന്ത്യക്കാരെ അതിര്ത്തി കടത്താനാനുള്ള ശ്രമങ്ങളാണ് നടക്കുന്നത്.
പോളണ്ടിലെ ഇന്ത്യന് എംബസിയുടെ അഞ്ച് നിര്ദ്ദേശങ്ങള്
- എംബസി അനുമതിയോടെ മാത്രം അതിര്ത്തിയിലേക്ക് യാത്ര
- ഒന്നിച്ച് പോളണ്ട് അതിര്ത്തിയിലെത്തുന്നത് ഒഴിവാക്കണം
3.രണ്ട് പോയിന്റുകള് വഴിയേ ഇന്ത്യക്കാര്ക്ക് അനുവാദമുള്ളു
- സുരക്ഷിതമെങ്കില് തല്ക്കാലം താമസസ്ഥലങ്ങളില് തുടരണം
- രാത്രി എത്തുന്നത് ഒഴിവാക്കണം
