അയോധ്യ: അയോധ്യ രാമക്ഷേത്രത്തിലെ ഭണ്ഡാരക്കൊള്ളയില് ട്രസ്റ്റ് ജനറല് സെക്രട്ടറി ചമ്പത് റായി രാജിവെച്ചു. ട്രസ്റ്റ് അംഗം അനില് മിശ്രയും രാജിവെച്ചിട്ടുണ്ട്. പ്രത്യേക അന്വേഷണ സംഘത്തിന്റെ (എസ്ഐടി) പ്രാഥമിക കണ്ടെത്തലുകള് പുറത്തുവന്നതിന് തൊട്ടുപിന്നാലെയാണ് ഇരുവരും രാജി സമര്പ്പിച്ചത്. വിഎച്ച്പി ഉപാധ്യക്ഷന് കൂടിയായ ചമ്പത് റായിയുടെ സഹായിയെ നേരത്തെ അറസ്റ്റ് ചെയ്തിരുന്നു.
ക്ഷേത്രത്തിലെ കാണിക്കപ്പണം കൈകാര്യം ചെയ്യുന്നതിലും നിരീക്ഷിക്കുന്നതിലും ഗുരുതരമായ വീഴ്ചകള് സംഭവിച്ചതായി എസ്ഐടി റിപ്പോര്ട്ടില് ചൂണ്ടിക്കാണിച്ചിരുന്നു.
ഏറെ കോലാഹലങ്ങള്ക്ക് ശേഷമാണ് കേസുമായി ബന്ധപ്പെട്ട് എഫ്ഐആര് രജിസ്റ്റര് ചെയ്യുന്നത്. പിന്നാലെയാണ് പ്രതികളായ എട്ടുപേരെയും ഉത്തര്പ്രദേശ് പൊലീസ് അറസ്റ്റ് ചെയ്യുന്നത്. രാമശങ്കര് യാദവ് എന്ന ടിന്നു യാദവ്, അനുകല്പ് മിശ്ര, ലവ്കുഷ് മിശ്ര, അവിനാഷ് ശുക്ല, മനീഷ് യാദവ്, രാമശങ്കര് മിശ്ര, സുഭാഷ് ചന്ദ്ര ശ്രീവാസ്തവ, കരുണേഷ് പാണ്ഡെ എന്നിവരാണ് അറസ്റ്റിലായത്.
