ഇ.പി. ജയരാജനെതിരായ സാമ്പത്തിക ആരോപണത്തില് പ്രതികരിക്കാതെ മുഖ്യമന്ത്രി പിണറായി വിജയൻ.വിഷയം പോളിറ്റ് ബ്യൂറോ (പി.ബി.) ചര്ച്ച ചെയ്യുമോ എന്ന് ഡല്ഹിയില് മാധ്യമപ്രവര്ത്തകര് ആരാഞ്ഞപ്പോള് തണുപ്പ് എങ്ങനെയുണ്ടെന്നായിരുന്നു മുഖ്യമന്ത്രിയുടെ മറുചോദ്യം.കണ്ണൂരിലെ റിസോർട്ട് നിർമാണത്തിന്റെ മറവില് സാമ്പത്തിക തിരിമറിയും അനധികൃത സ്വത്ത് സമ്പാദനവും നടന്നതായാണ് ജയരാജനെതിരെ ആരോപണം ഉയർന്നത്. ആന്തൂർ നഗരസഭയിലെ നാലാം വാർഡായ ഉടുപ്പക്കുന്നിലെ ആയുർവേദ റിസോർട്ടുമായി ബന്ധപ്പെട്ടായിരുന്നു ആരോപണം. അതേസമയം കേരളത്തില് പാര്ട്ടിക്ക് അകത്തും പുറത്തും വലിയ ചര്ച്ചാവിഷയമായതിനാല് തന്നെ ഇ.പിയുമായി ബന്ധപ്പെട്ട പരാതി പി.ബി. ചര്ച്ച ചെയ്യാനാണ് സാധ്യത. വിഷയനുമായി ബന്ധപ്പെട്ട് പി. ജയരാജന് നല്കിയ പരാതി കേന്ദ്ര നേതൃത്വത്തിന്റെ പരിഗണനയിലാണ്.
