കുന്ദമംഗലം : 2026 ഫെബ്രുവരി 7 മുതൽ 9 വരെ കുന്ദമംഗലം ഹയർസെക്കൻഡറി സ്കൂളിന്റെ ആഭിമുഖ്യത്തിൽ എൽ പി,യുപി, എച്ച് എസ്, എച്ച് എസ് എസ് വിഭാഗങ്ങൾക്കായി നടക്കുന്ന അഞ്ചാമത് ഇന്റർ സ്കൂൾ ഫുട്ബോൾ ടൂർണമെന്റിന്റെ സ്വാഗതസംഘം കുന്ദമംഗലം ഹയർ സെക്കൻഡറി സ്കൂളിൽ രൂപീകരിച്ചു.
പി ടി എ പ്രസിഡണ്ട് നിധീഷ് ടി പി യുടെ അധ്യക്ഷതയിൽ ചേർന്ന യോഗത്തിന് ഡെപ്യൂട്ടി ഹെഡ്മാസ്റ്റർ ഷാജി പി കെ സ്വാഗതം പറഞ്ഞു. കായിക അധ്യാപകൻ പ്രജിത് കുമാർ കെ കെ ടൂർണമെന്റ് സംബന്ധിച്ച വിവരങ്ങൾ അവതരിപ്പിച്ചു.
കുന്ദമംഗലം ഉപജില്ലയ്ക്ക് അകത്തും പുറത്തും ഉള്ള വിവിധ സ്കൂളുകളിലെ ടീമുകൾ ടൂർണമെന്റിൽ പങ്കെടുക്കും. ചടങ്ങിൽ തളത്തിൽ പത്മാക്ഷൻ, പ്രവീൺ കുമാർ ടി, ഫെബിന, നവാസ് റഹ്മാൻ എന്നിവർ സംസാരിച്ചു.
