കുന്ദമംഗലത്ത് ടാങ്കർ ലോറിയിൽ നിന്ന് പരിധിയിൽ കവിഞ്ഞ നൈട്രജൻ പുറത്തേക്ക് ഒഴുകിയത് ജനങ്ങളെ പരിഭ്രാന്തരാക്കി . ഈങ്ങാപ്പുഴ പ്ലാന്റിൽ നിന്നും റീഫിൽ ചെയ്ത് മൃഗാശുപത്രികളിലേക്ക് സപ്ലൈ ചെയ്യാനുള്ള നൈട്രജനായിരുന്നു ലോറിയിൽ ഉണ്ടായിരുന്നത്. അമിതമായ പ്രഷർ കാരണം വൈയ്റ്റ് ബ്രിഡ്ജിൽ തൂക്കാൻ കഴിയാത്തതിനാൽ ഡ്രൈവർ നൈട്രജൻ റിലീസ് ചെയ്ത് പുറത്തേക്ക് പോയി. കാലാവസ്ഥയിലെ മാറ്റം കാരണം പുറത്തേക്ക് ഒഴുകിയ നൈട്രജൻ പുകയായി മാറുകയായിരുന്നു. വാതക ചോർച്ചയാണെന്ന് കരുതി പരിഭ്രാന്തരായ ജനങ്ങൾ കുന്ദമംഗലം പോലീസിനെ വിവരമറിയിച്ചു. പോലീസ് വിവരമറിയിച്ചതിനെ തുടർന്നെത്തിയ ഫയർ ഫോഴ്സ് സംഘം വൈയ്റ്റ് ബ്രിഡ്ജ് ഉടമയുടെ സഹായത്തോടെ വാൾവ് ഓഫ് ചെയ്യുകയായിരുന്നു. വെള്ളിമാട്കുന്ന് ഫയർ സ്റ്റേഷനിലെ ഫൈസിയുടെ നേതൃത്വത്തിലുള്ള സംഘമാണ് സ്ഥലത്തെത്തിയത്.
