കുന്ദമംഗലം വരട്ടിയാക്ക് നമ്പിടി പറമ്പത്ത് അയ്യൂബ് വീണ്ടും മനുഷ്യസ്നേഹത്തിൻ്റെ മാതൃകയാവുകയാണ്. പിതാവ് കുട്ടി ഹസ്സൻ ഹാജിയുടെ ഓർമ്മക്കായി ഒമ്പത് നിർധനർക്ക് സൗജന്യമായി രണ്ടാമതും ഭൂമി നൽകാനാണ് പ്രവാസിയായ അദ്ദേഹത്തിൻ്റെ തീരുമാനം. കോഴിക്കോട് ജില്ലയിലെ കുന്ദമംഗലം ഗ്രാമപഞ്ചായത്തിലെ പണിക്കരങ്ങാടിയിലെ സ്വന്തം സ്ഥലമാണ് അർഹരായവർക്ക് വീടുവെക്കാൻ സൗജന്യമായി കൈമാറുന്നത്.
മുമ്പ് പത്ത് പേർക്ക് വീട് നിർമിക്കാൻ ഭൂമി നൽകി അയ്യൂബ് മാതൃകയായിരുന്നു. അന്നത്തെ പോലെ ഇത്തവണവയും ഒരേയൊരു നിബന്ധനയേ അദ്ദേഹത്തിനുള്ളൂ. അപേക്ഷിക്കുന്നവർ വാടകവീട്ടിൽ താമസിക്കുന്നവരോ സ്വന്തമായി ഭൂമിയില്ലാത്തവരോ ആയിരിക്കണം.
ജാതി, മത, രാഷ്ട്രീയ വിവേചനങ്ങളില്ലാതെയാണ് അർഹരായവർക്ക് കഴിഞ്ഞ തവണ ഭൂമി കൈമാറിയത്. ഇത്തവണയും അതേ മാനദണ്ഡങ്ങൾ പാലിച്ചായിരിക്കും ഗുണഭോക്താക്കളെ തെരഞ്ഞടുക്കുക. അപേക്ഷകൾ നൽകേണ്ട കാലാവധി2026 മാർച്ച് 15 വരെയാണ് വാട്ട്സാപ് വഴിയോ നേരിട്ടോ സമർപ്പിക്കാവുന്നതാണ് അപേക്ഷകർ കുന്ദമംഗലം ഗ്രാമപഞ്ചായത്ത് പരിധിയുള്ളവരായിരിക്കണം പാവപ്പെട്ടവരുടെ ദുരിതങ്ങൾ സ്വന്തം പ്രശ്നങ്ങളായി കണ്ടറിയണമെന്ന ചിന്തയാണ് ഇത്തരം പ്രവർത്തനങ്ങൾക്ക് തന്നെ പ്രേരിപ്പിക്കുന്നതെന്ന് അദ്ദേഹം ‘ജനശബ്ദം ന്യൂസി’നോട് പറഞ്ഞു .
ഭാര്യയും മക്കളും ഈ പ്രവർത്തനങ്ങൾക്ക് പൂർണ പിന്തുണ നൽകുന്നത് വലിയ കരുത്താണ്. അയ്യൂബിൻ്റെപ്രവർത്തനം നിരവധി നിർധന കുടുംബങ്ങൾക്ക് പ്രതീക്ഷയായി മാറും..അയ്യുബ് എൻ.പി നമ്പിടിപറമ്പത്ത്: വരട്ടിയാക്ക് കുന്ദമംഗലം പോസ്റ്റ് പിൻ 67 35 71 വാട്ട്സാപ്പ് (9645543906)
