പോപ്പുലര് ഫ്രണ്ട് മുന് സംസ്ഥാന സെക്രട്ടറി സി എ റൗഫ് പിടിയില്.ഇന്നലെ രാത്രി 12 മണിയോടെ പട്ടാമ്പി കരുങ്കരപ്പുള്ളിയിലുള്ള റൗഫിന്റെ വീട്ടിലേക്ക് എത്തിയ എന്ഐഎ സംഘം വീട് വളഞ്ഞാണ് ഇയാളെ അറസ്റ്റ് ചെയ്തത്.പോപ്പുലർ ഫ്രണ്ട് നിരോധനത്തിന് പിന്നാലെ റൌഫ് ഒളിവിൽ പോകുകയായിരുന്നു. കർണാടകയിലും തമിഴ്നാട്ടിലുമായി ഇയാൾ ഒളിവിൽ കഴിയുകയായിരുന്നു. നിരോധനത്തിന് പിന്നാലെ പല നേതാക്കളേയും ഒളിവിൽ കഴിയാൻ സഹായിച്ചതും റൗഫ് ആണെന്ന് എൻഐഎ കണ്ടെത്തിയിരുന്നു.റൗഫ് പോകാനിടയുള്ള സ്ഥലങ്ങള്, ബന്ധപ്പെടാന് സാധ്യതയുള്ളവര് എന്നിവരെ എന്ഐഎ കൃത്യമായി നിരീക്ഷിച്ച് വരികയായിരുന്നു. ഇന്നലെയാണ് ഇയാള് വീട്ടിലുണ്ടെന്ന വിവരം ലഭിച്ചത്.
