സംസ്ഥാന സ്കൂൾ കായിക മേളയിൽ സബ് ജൂനിയർ ഗേൾസ് വിഭാഗത്തിൽ 100 മീറ്ററിൽ റെക്കോർഡ് നേടിയ സിഎച്ച്എസ് കാൽവരി മൗണ്ട് സ്കൂളിലെ ദേവപ്രിയ ഷൈബുവിനെയും, 100 മീറ്ററിലും 200 മീറ്ററിലും റെക്കോർഡ് നേടിയ ചാരമംഗലം ഗവൺമെന്റ് ഡിവിഎച്ച്എസ്എസ് സ്കൂളിലെ ടി എം അതുലിനെയുംസഞ്ജു സാംസൺ ഫൗണ്ടേഷൻ ഏറ്റെടുക്കും.
ശക്തമായ പിന്തുണ നൽകിയാൽ ഈ കുട്ടികൾ ഭാവിയിൽ ദേശീയ തലത്തിലും ഒളിംപിക്സ് തലത്തിലും വരെ മികവുതെളിയിക്കുന്ന അഭിമാനതാരങ്ങളായി മാറിയേക്കാം. ചുരുങ്ങിയ ജീവിത സാഹചര്യങ്ങളോട് മല്ലിട്ട് ഇരുവരും നേടിയ വിജയം കായിക കേരളത്തിന് പ്രചോദനമാണെന്ന് സഞ്ജു സാംസൺ ഫൗണ്ടേഷൻ അറിയിച്ചു.
അതുലിനും ദേവപ്രിയക്കും സംസ്ഥാന, ദേശീയതലത്തിൽ ആവശ്യമായ യാത്രാ, താമസ സൗകര്യങ്ങൾ ഫൗണ്ടേഷൻ നൽകുമെന്ന് സഞ്ജു സാംസൺ അറിയിച്ചു. പ്രൊഫഷണലായ അത്ലറ്റിക് കോച്ചിന്റെ സേവനവും ഇരുവർക്കും നൽകും.
സംസ്ഥാന സ്കൂൾ കായികമേളയുടെ ബ്രാൻഡ് അംബാസഡർ കൂടിയാണ് സഞ്ജു സാംസൺ.
