ഡൽഹിയിലെ ശ്രദ്ധ കൊലപാതക കേസിൽ കൂടുതൽ വിവരങ്ങൾ പുറത്ത്.ശ്രദ്ധയെ കൊലപ്പെടുത്തിയ ശേഷം മൃതദേഹം മുറിക്കാന് അഫ്താബ് പൂനാവാല ഉപയോഗിച്ച ആയുധങ്ങളിലൊന്ന് കണ്ടെടുത്തു.മൃതദേഹം വെട്ടി മുറിക്കാൻ ഒന്നിലധികം ആയുധങ്ങൾ ഉപയോഗിച്ചതാണ് പൊലീസിന്റെ നിഗമനം.ഇവ കുറ്റകൃത്യത്തില് ഉപയോഗിച്ചിട്ടുണ്ടോയെന്ന് സ്ഥിരീകരിക്കാന് ഫോറന്സിക് സയന്സ് ലാബോറട്ടറിയിലേക്ക് അയച്ചിരിക്കുകയാണ്. അതേസമയം ശ്രദ്ധയുടെ തലയോടും ചില ശരീരഭാഗങ്ങളും ഇനിയും കണ്ടെത്താനായിട്ടില്ല.അതേസമയം തന്നെ മൃതദേഹം വെട്ടി മുറിക്കുന്നതിന് മുമ്പ് ശ്രദ്ധയുടെ മോതിരം അഫ്താബ് അഴിച്ചുമാറ്റി എന്ന് പൊലീസ് കണ്ടെത്തിയിട്ടുണ്ട്. ശ്രദ്ധയെ കൊലപ്പെടുത്തിയ ശേഷം അഫ്താബ് പ്രണയത്തിലായ മറ്റൊരു യുവതിക്കാണ് ഈ മോതിരം കൊടുത്തതെന്നും പൊലീസ് കണ്ടെത്തിയിട്ടുണ്ട്.ശ്രദ്ധയുടെ കൊലപാതകത്തിനു ശേഷം, മൃതദേഹഭാഗങ്ങള് ഫ്രിഡ്ജിലിരിക്കെത്തന്നെ ഒരു ഡോക്ടറെ അഫ്താബ് ഡേറ്റ് ചെയ്തിരുന്നു
