കുന്നമംഗലം :പത്താമത് സംസ്ഥാന സ്കോയ് മാര്ഷ്യല് ആര്ട്സ് ചാമ്പ്യന്ഷിപ്പില് കോഴിക്കോട് ജില്ല 175 പോയിന്റ് നേടി ഓവറോള് ചാമ്പ്യന്മാരായി. രണ്ടാം സ്ഥാനം 68 പോയിന്റ് നേടി ആലപ്പുഴ കരസ്തമാക്കി.
സമാപന ചടങ്ങില് ജില്ലാ സ്പോര്ട്സ് കൗണ്സില് മെമ്പര് എ കെ മുഹമ്മദ് അഷ്റഫ് വിജയികള്ക്കുള്ള ട്രോഫികളും മെഡലുകളും വിതരണം ചെയ്തു. കോഴിക്കോട് ജില്ലാ സ്കോയ് അസോസിയേഷന് പ്രസിഡന്റ് ടി മുഹമ്മദ് മുസ്തഫ അധ്യക്ഷത വഹിച്ചു . കുന്ദമംഗലം പ്രസ്ക്ലബ് സെക്രട്ടറി അബൂബക്കര് കുന്ദമംഗലം ,അസോസിയേഷന് സംസ്ഥാന സെക്രട്ടറി രൂപേഷ് മരുതാട്ട് ,പി പി ശരീഫ് ,കെ പി നിസാര്, പി പി നിസാര് എന്നിവര് ആശംസകള് നേര്ന്നു .
സ്കോയ് ജില്ലാ അസോസിയേഷന് വൈസ് പ്രസിഡന്റ് കെ ശഹന് സ്വാഗതവും ഷാഹിദ് അഫ്രീദി നന്ദിയും പറഞ്ഞു .
