എറണാകുളം: സംസ്ഥാനത്തെ മഴക്കെടുതിയില് വീണ്ടും ഒരു മരണം. ശക്തമായ മഴയിലും കാറ്റിലും നിര്മാണം നടക്കുന്ന കെട്ടിടത്തിന്റെ മുകളില് നിന്നും കോണ്ക്രിറ്റ് കട്ട വീണ് ജോലി കഴിഞ്ഞ് മടങ്ങുകയായിരുന്ന യുവതി മരിച്ചു. വടക്കേക്കര സത്താര് ഐലന്റ് സ്വദേശിനി ആര്യ ശ്യാംമോനാണ് (34) മരിച്ചത്. ബുധനാഴ്ച വൈകിട്ട് ജോലി കഴിഞ്ഞ് ബസ് കയറാന് എത്തിയ യുവതിയുടെ തലയിലേക്ക് മൂന്നാം നിലയിലെ കോണ്ക്രിറ്റ് കട്ട പതിക്കുകയായിരുന്നു. തുടര്ന്ന് നാട്ടുകാര് അങ്കമാലിയിലെ ആശുപത്രിയില് ആര്യയെ എത്തിക്കുകയായിരുന്നു. ചികിത്സയിലിരിക്കെ ഇന്ന് രാവിലെയാണ് മരണം സ്ഥിരീകരിച്ചത്. മകള്ക്കൊപ്പമാണ് ആര്യ ബസ് സ്റ്റോപ്പിലേക്ക് പോയിരുന്നത് എന്നാല് അപകടത്തില് പരുക്കേല്ക്കാതെ കുട്ടി രക്ഷപ്പെടുകയായിരുന്നു. ഇന്ന് മാത്രം സംസ്ഥാനത്തെ മഴക്കെടുതിയില് മൂന്ന് പേരാണ് മരണപ്പെട്ടത്.
