ഖത്തർ ലോകകപ്പിൽ ജീവന്മരണ പോരാട്ടത്തിന് അര്ജന്റീന ഇന്ന് ഇറങ്ങും. ഗ്രൂപ്പ് സിയിൽ പോളണ്ടിനെ നേരിടുന്ന മെസിയ്ക്കും സംഘത്തിനും പ്രീക്വാർട്ടറിൽ കടക്കണമെങ്കിൽ ജയം കൂടിയേ തീരൂ.രാത്രി പന്ത്രണ്ടരയ്ക്കാണ് മത്സരം തുടങ്ങുക.ഗ്രൂപ്പ് സിയിൽ നാല് പോയിന്റുമായി പോളണ്ടാണ് നിലവില് ഒന്നാമത് നില്ക്കുന്നത്. സൗദിക്കൊപ്പം മൂന്ന് പോയിന്റാണെങ്കിലും ഗോൾ ശരാശരിയിൽ അർജന്റീന രണ്ടാം സ്ഥാനത്താണ്. ജയത്തിൽ കുറഞ്ഞതൊന്നും അർജന്റീനയ്ക്ക് ചിന്തിക്കാൻ പോലുമാവില്ല. സമനിലയായാല് ഗ്രൂപ്പിലെ രണ്ടാം മത്സരഫലത്തെ ആശ്രയിക്കണം.ഇന്ന് തോറ്റാല് മെസിയും സംഘവും പ്രീക്വാര്ട്ടര് കാണാതെ പുറത്താകും.മെക്സിക്കോക്കെതിരായ വിജയം ടീമിന് വലിയ ഊര്ജം പകര്ന്നതായും വിജയത്തിന് വേണ്ടി പോരാടുമെന്നും കോച്ച് ലയണല് സ്കലോണി ദോഹയില് പറഞ്ഞു. പോളണ്ട് മികച്ച ടീമാണെന്നും എന്താണ് ചെയ്യേണ്ടതെന്ന് തങ്ങള്ക്ക് വ്യക്തമായ ബോധ്യമുണ്ടെന്നും പ്രതിരോധനിരക്കാരന് ലിസാന്ഡ്രോ മാര്ട്ടിനസ് വ്യക്തമാക്കി. മെക്സിക്കോക്തിരെ ഗോള് നേടുകയും മികച്ച പ്രകടനം പുറത്തെടുക്കുകയും ചെയ്ത എന്സോ ഫെര്ണാണ്ടസിനെ ഇന്ന് ആദ്യ ഇലവനില് ഉള്പ്പെടുത്താനുള്ള സാധ്യതയുണ്ട്.പൗളോ ഡിബാലയ്ക്കും ഇന്ന് അവസരം ലഭിക്കാനുള്ള സാധ്യത ഏറെയാണ്. ലാറ്റാരോ മാര്ട്ടിനസ് പകരം ജൂലിയന് അല്വാരസിനെ മുന്നേറ്റ നിരയില് കൊണ്ട് വരണമെന്നാണ് ആരാധകരുടെ ആഗ്രഹമെങ്കിലും ഇന്റര് മിലാന് തന്നെയാകും ആദ്യ ഇലവനില് എത്തിയേക്കുക.
